Heimastjórn Djúpavogs

Starfsmanni heimastjórnar falið að koma erindinu til framkvæmda- og umhverfismálastjóra Múlaþings til frekari skoðunar.

Heimastjórn tekur vel í erindið og felur starfsmanni að koma því til framkvæmda- og umhverfismálastjóra Múlaþings til skoðunar.

Guðlaugur Sæbjörnsson fór yfir fjárhagsramma Múlaþings fyrir árið 2023 í gegnum fjarfundabúnað.
Heimastjórn mun fara yfir áherslur er varða viðhald og framkvæmdir á næsta ári og koma þeim áherslum áfram.

Heimastjórn felur starfsmanni heimastjórnar að svara erindi NAUST.

Tölvupóstur frá Ásdísi Benediktsdóttur þar sem heimstjórn er hvött til að vinna áfram að því að byggja upp göngustíga á Djúpavogi með tengingu við Búlandsnesið og gömlu þjóðvegina þar.

Heimastjórn tekur undir með bréfritara og telur mikilvægt að haldið verði áfram að vinna þessum málum brautargengi með hagsmunaaðilum. Lagt er til að sótt verði um styrk að nýju í uppbyggingarsjóð ferðamannastaða. Starfsmanni falið að fylgja málinu eftir.

Unnið hefur verið í lausnum á þessu vandamáli undanfarið. Starfsmanni falið að vinna málið áfram með hafnarverði og hafnarstjóra.

Heimastjórn vill vekja athygli á nauðsyn þess að koma Axarvegi út af G-reglu í vetrarþjónustu Vegagerðarinnar. Nauðsynlegt er að koma á föstum ruðningsdögum yfir veturinn til að halda veginum opnum allan ársins hring.

Ein athugasemd hefur borist vegna listaverks á "Kallabakkavegg" frá íbúa á Djúpavogi. Starfsmanni heimastjórnar falið að svara erindinu í samræmi við umræðu á fundinum.