Heimastjórn Djúpavogs

Á fundi byggðaráðs 14.12. 2021 var samþykkt að stofnaður verði starfshópur sem hafi það verkefni að fara yfir uppbyggingu og mögulega framtíðarnotkun Gömlu kirkjunnar og Faktorshússins á Djúpavogi. Starfshópurinn verði skipaður þremur fulltrúum og skal heimastjórn Djúpavogs tilnefna einn, framkvæmda- og umhverfismálastjóri einn og atvinnu- og menningarmálastjóri einn. Starfshópurinn skal skila af sér tillögum eigi síðar en í lok apríl 2022.

Heimastjórn tilnefnir Ólaf Áka Ragnarsson í starfshópinn.

Erindi frá nýstofnuðu hestamannafélagi á Djúpavogi um mögulega staðsetningu á hestaíþróttasvæði.

Heimastjórn fagnar miklum áhuga hestamanna á Djúpavogi á uppbyggingu hestaíþróttasvæðis, og vísar erindinu til Umhverfis og Framkvæmdaráðs til vinnslu í samráði við Heimastjórn Djúpavogs.

Drög að umferðarsamþykkt fyrir Djúpavog, drög lögð fram til kynningar. Starfsmanni falið að senda drögin til umhverfis og framkvæmdasviðs til frekari úrvinnslu.

Erindi frá Þórdísi Sigurðardóttur varðandi Bókasafnið á Djúpavogi. Húsnæði, aðgengi og opnunartíma.

Heimastjórn þakkar bréfritara fyrir erindið, Heimastjórn beinir erindinu til Fjölskylduráðs. Heimastjórn vill jafnframt minna á bókun sína frá 29.03.2021 um safnamál á Djúpavogi. (mál 202103214)

Erindi frá Alfreð Erni Finnsyni fyrir hönd Djúpavogskirkju varðandi aðkmomu að Djúpavogskirkju, bílastæði og umferð gangandi vegfarenda.

Heimastjórn þakkar erindið og fagnar því að vinna sé hafin við lagfæringar á umhverfi Djúpavogskirkju og því öfluga starfi sem haldið hefur úti undanfarin misseri.

Heimastjórn vísar erindinu til Umhverfis og framkvæmdaráðs og leggur til að reynt verði að koma á mót við óskir þær sem komu fram í bréfinu. Heimastjórn telur mikilvægt sé að umhverfi kirkjunnar sé snyrtilegt enda er hún áberandi þegar komið er inn í bæinn.

Heimastjórn Djúpavogs mótmælir harðlega skerðingu aflaheimilda til strandveiða árið 2022 um 1.500 tonn. Í reglugerð sem sett var 21. desember síðastliðinn minnkaði ráðherra áætlaðar aflaheimildir til strandveiða um 1.500 tonn úr 10.000 tonnum í 8.500 tonn af þorski. Á undanförnum árum hefur afli strandveiði báta er mikilvægur partur af lönduðum afla yfir sumartímann þannig að skerðing á afla til strandveiða kemur því niður á íbúum og atvinnu. Það eru gríðarleg vonbrigði að ekki séu tryggðir 48 dagar til strandveiða ár hvert, vilji er allt sem þarf til að tryggja stöðugleika í strandveiðum í kringum landið.

Heimastjórn vísar málinu til sveitarstjórnar.

Lagt fram til kynningar afslættir af gatnagerðargjöldum á Djúpavogi 2022.

Lagt fram til kynningar greinargerð að Aðalskipulagsbreytingu við Gleðivík og vegna útrásar við Langatanga.