Heimastjórn Djúpavogs

Heimastjórn telur ekki þörf á umhverfismati við umrædda framkvæmd. Starfsmanni heimastjórnar falið að svara erindinu í samvinnu við skipulagssvið Múlaþings.

Heimastjórn samþykkir að tillagan verði auglýst í samræmi við 41. gr. skipulagslaga nr. 123/2010.

Starfmanni falið að forvinna tillögur að umferðarsamþykkt fyrir Djúpavog í samráði við íbúa og leggja fyrir næsta fund Heimastjórnar

Greta Mjöll fór yfir úthlutanir á styrkjum til uppbyggingar ferðamannastaða.
Múlaþing hefur fengið rúmlega 3 milljóna styrk til að skipuleggja umhverfi við "körin" á Djúpavogi.

Umgengni á sorpmóttökunni að Háaurum er ekki til fyrirmyndar og starfsleyfi hefur ekki verið gefið út. Heimastjórn leggur á það mikla áherslu að sorpmóttöku verði komið í viðunandi horf sem allra fyrst.

Starfsmanni falið að afla frekari upplýsinga og kalla eftir fundi með sveitarstjóra og formanni Umhverfis og framkvæmdaráðs.

Heimastjórn lýsir yfir vonbrigðum með breytingar á fyrirkomulagi vinnskóla á Djúpavogi á komandi sumri. Einnig vantar atvinnutækifæri fyrir ungmenni á framhaldskólaladri en fyrir því er rík hefð í byggðarlaginu að þessum hópi standi til boða vinna fyrir sveitarfélagið. Heimastjórn hefur af því áhyggjur að þessi skerðing á vinnutíma komi niður á ásýnd og umhverfi bæjarinns og muni jafnvel auka kostnað sveitarfélagsins vegna aðkeyptrar vinnu.
Heimastjórn skorar á umhverfissvið að endurskoða þessar breytingar, sérstaklega vegna atvinnuástands í kjölfar covid faraldursins.