Heimastjórn Borgarfjarðar

Sveitastjórn óskaði á fundi sínum 13.01.21 eftir tilnefningu fulltrúa heimastjórnar Borgarfjarðar í nefndir og ráð og sem tengilið við Umhverfisstofnun og Ferðafélag Fljótsdalshéraðs vegna víknanna sunnan Borgarfjarðar.
Starfsmanni heimastjórnar falið að afla frekari upplýsinga um málið og að því loknu verður málið tekið fyrir á ný í heimastjórn.

Starfsmenn Atvinnu - og nýsköpunarráðuneytis komu inn á fundinn í gegnum fjarfundabúnað og gerðu grein fyrir aflabrögðum togara í Skápnum á síðasta ári samkvæmt afladagbókum þeirra. Gríðarlegir hagsmunir eru í húfi fyrir útgerð á Borgarfirð og því ánægjulegt hversu lítill afli hefur fengist við togveiðar á svæðinu árið 2020, sem sýnir að litlir hagsmunir eru í húfi fyrir togaraútgerðir sem veiðarnar hafa stundað.

Heimastjórn telur því sjálfsagt að ráðherra loki svæðinu fyrir togveiðum.

Heimastjórn ítrekar fyrri bókun sína um málið frá fundi sínum 18.11.20. Jafnframt vill heimastjórn benda á að standi vilji til að Borgarfjörður eystri geti flokkast undir sama atvinnusóknarsvæði og Egilsstaðir er nauðsynlegt að mokstri sé lokið fyrr á morgnana en nú er. Íbúar sveitarfélagsins sækja vinnu í báðar áttir og til að tryggja atvinnuöryggi þessa fólks þarf mokstri að vera lokið 1 ? 2 klst fyrr. Möguleg lausn gæti falist í því að senda tvo bíla af stað til moksturs á Borgarfjarðarvegi svo opnun Vatnsskarðs eystra þurfi ekki að bíða eftir að mokstri sé lokið í báðar áttir milli Egilsstaða og Eiða. Smþykkt að vísa málinu til sveitarstjórnar.

Heimastjórn Borgarfjarðarhrepps hefur umsjón með verkefninu Fjarðarborg ? Samfélagsmiðstöð og hélt fund vegna málsins 24.febrúar síðastliðinn. Á þeim fundi var kallaður til rýnihópur sem fór yfir teikningar og tillögur sem bárust frá Ástu Maríu Þorsteinsdóttur arkitekt og kostnaðaráætlun fyrir endurnýjun raflagna frá Bjarnþóri Harðarsyni. Næstu skref verkefnisins eru að fá lokaútgáfu af teikningum, kynning fyrir íbúum og meta kostnað verkliða. Í framhaldi af því verður byrjað á framkvæmdum á efri hæð hússins en styrkfé til verksins nær eingöngu til framkvæmda á þeirri hæð. Verkefnið felur í sér að auka atvinnutækifæri á Borgarfirði með því að koma upp nútímalegri skrifstofuaðstöðu á hæðinni. Verkefninu er ætlað að styðja við þá starfsemi sem fyrir er í húsinu.

Auglýstar voru fjórar íbúðir í Lækjargrund og Lækjarbrún auk íbúðarinnar Ásbrún 2. Sjö umsóknir bárust. Aamþykkt að úthluta Sergei og Irynu Boiko Ásbrún 2. Birkir Viðar Haraldson og Sólveig Helga Hjarðar fá minni íbúðina í Lækjarbrún. Karolina Szymczyk fær minni íbúðina í Lækjargrund. Aðrar umsóknir krefjast frekari gagnaöflunar og úrvinnslu.

Starfsmanni heimastjórnar falið að afla frekari gagna.

Á jarðhæð Hafnarhússins eru snyrtingar og sturtuaðstaða m.a. ætlaðar fyrir sjómenn. Síðastliðið sumar voru aðgengismál sjómanna að hæðinni ekki til fyrirmyndar. Til að ráða bót á vandamálinu væri t.d.hægt að loka á milli hæða og setja upp lyklabox.
Starfsmanni heimstjórnar falið að vinna málið áfram í samstarfi við rekstraraðila.

Heimastjórn var falið að finna nöfn á nýskipulagðar lóðir á Bökkum.
Á Borgarfirði hefur verið sú hefð að íbúðarhús beri nöfn, heimastjórn leggur til að hefðinni verði viðhaldið og lóðarhafar gefi húsum sínum nöfn við undirskrift lóðaleigusamnings.

Athugið! Samkvæmt spákonu Múlaþings er lundinn væntanlegur 7.apríl kl. 20:30.

Næsti fundur heimastjórnar Borgarfjarðar er mánudaginn 12.apríl næstkomandi kl. 14:00. Erindi fyrir fundinn þurfa að berast fyrir kl. 12:00 8. apríl. Erindi skal senda á netfangið jon.thordarson@mulathing.is eða bréfleiðis til Hreppstofu.