Heimastjórn Borgarfjarðar

Ársfundur Náttúruverndarnefnda verður haldinn á Ísafirði 12. október 2023. Fulltrúi Náttúruverndarnefndar Borgarfjarðar mun sitja fundinn.

Lagt fram til kynningar.

Fyrir liggja tillögur að verklagsreglum varðandi ágang búfjár á heimalöndum. Tillögurnar eru unnar af Aroni Thorarensen, lögfræðingi og verkefnisstjóra, Margréti Ólöfu Sveinsdóttur, verkefnastjóra umhverfismála og Óðni Gunnari Óðinssyni skrifstofustjóra. Einnig liggur fyrir erindi frá Bændasamtökum Íslands varðandi lausagöngu/ágang búfjár sem og önnur gögn er varða málið.

Á fundi byggðaráðs 11.7. 2023 var eftirfarandi bókað:
Byggðaráð Múlaþings samþykkir að vísa fyrirliggjandi tillögum, auk erindis Bændasamtakanna, varðandi ágang búfjár í heimalöndum til umsagnar og upplýsingar hjá heimastjórnum. Málið verður tekið til afgreiðslu í byggðaráði er umsagnir heimastjórna liggja fyrir.

Heimastjórn Borgarfjarðar gerir ekki athugasemdir við fyrirliggjandi drög. Heimastjórn vill þó taka fram að til þess að gera starfsfólki kleift að framfylgja reglum án aðkomu nefndar, í málum sem viðbúið er að verði umdeild, þurfa reglurnar að vera skýrar. Í vandmeðfarnari málum gæti aðkoma nefnda verið æskileg.

Samþykkt samhljóða án atkvæðagreiðslu.

Fyrir liggur erindi frá Sýslumanninum á Austurlandi dagsett 25. júlí 2023. Erindið snýr að umsókn Blábjarga um breytingu á rekstrarleyfi afgreiðslutíma áfengis.

Heimastjórn Borgarfjarðar gerir fyrir sitt leyti engar athugasemdir við breytingarnar.

Samþykkt samhljóða án atkvæðagreiðslu.

Fyrir liggja gangnaboð og gangnaseðill 2023 til afgreiðslu.

Heimastjórn Borgarfjarðar samþykkir fyrirliggjandi gangnaseðil fyrir Borgarfjörð.

Samþykkt samhljóða án atkvæðagreiðslu.

Steingrímur Jónsson starfsmaður á umhverfis- og framkvæmdasviði Múlaþings mætti á fund heimastjórnar og fór yfir fyrirhugaðar framkvæmdir við Fjarðarborg.

Útboði er lokið og verið er að fara yfir þau tilboð sem bárust.

Lagt fram til kynningar.

Fyrir liggur beiðni um að útdeila Breiðvangi 2 til Ásgeirs Boga Arngrímssonar, nýs verkstjóra áhaldahúss á Borgarfirði.

Vegna ráðningar hans samþykkir heimastjórn að úthluta Ásgeiri Boga Arngrímssyni Breiðvang 2 í samræmi við 3. grein reglna um úthlutun á leiguhúsnæði í eigu Múlaþings (annarra en félagslegra íbúða).

Samþykkt samhljóða án atkvæðagreiðslu.

Heimastjórn fundaði með Sveini Sveinssyni umdæmisstjóra Vegagerðarinnar á Austurlandi 14. júlí síðastliðinn þar sem ræddar voru fyrirhugaðar framkvæmdir Vegagerðarinnar á Borgarfirði.

Vegagerðin hyggst skila þorpsgötunni til sveitarfélagsins. Áður mun hún skipta út ræsum og færa veginn til nútímalegra horfs. Heimastjórn benti á nauðsyn þess að lagfæra sjóvarnir meðfram götunni. Áætlað að hefja framkvæmdir í haust.

Hafin er breikkun Hafnarvegarins. Til stendur að breikka hann frá Hofströnd og út í höfn í áföngum. Áætlað er að ljúka breikkun vegarins snemmsumars 2024.

Vegagerðin áætlar að hefja vinnu við að girða ofan vegar frá Landsenda að þorpsgirðingu í haust. Tímaramminn ræðst af samkomulagi við landeigendur.

Heimastjórn ítrekaði jafnframt nauðsyn þess að vetrarþjónustu til Borgarfjarðar sé sinnt alla daga vikunnar.

Lagt fram til kynningar.

Fulltrúi sveitastjóra fór yfir helstu verkefni á Borgarfirði.

Ný löndunarbryggja hefur verið boðin út og auglýst á heimasíðu Vegagerðarinnar.

Unnið er að frekari skiltagerð og útfærslu varðandi frjáls framlög í Hafnarhólma.

Næsti fundur heimastjórnar Borgarfjarðar er áætlaður mánudaginn 11. september 2023. Erindi fyrir fundinn þurfa að berast fyrir kl. 12:00 miðvikudaginn 6. september. Erindi skal senda á netfangið jon.thordarson@mulathing.is eða eythor.stefansson@mulathing.is eða bréfleiðis til Hreppsstofu.