Fjölskylduráð Múlaþings

Fyrir liggur tillaga að samræmdri gjaldskrá vegna frístundar í grunnskólum Múlaþings. Tillagan gengur út á að samræma frístundagjald allra skóla að gjaldskrá Egilsstaðaskóla og Fellaskóla frá 1. janúar 2025. Að systkinaafsláttur verði samræmdur í frístund og verður 25% af öðru systkini frá 1. ágúst 2024 og að starfsemi, opnunartími og reglur í frístundum skólanna verði samræmd frá og með ágúst 2025.

Fjölskylduráð samþykkir fyrirliggjandi tillögur en frestar samræmdu frístundagjaldi Seyðisfjarðarskóla til ágúst 2025. Málinu vísað til gerðar fjárhagsáætlunar 2025.

Samþykkt samhljóða með handauppréttingu.

Fyrir liggja niðurstöður starfshóps um húsnæðismál Bjarkatúns. Starfshópurinn leggur til að byrjað verði á viðbyggingu við Bjarkatún. Hefja skal strax vinnu við þarfagreiningu og hönnun og í framhaldi sótt um í fiskeldissjóð fyrir framkvæmdinni. Ef ekki fæst úr fiskeldissjóði fer viðbygging við Bjarkatún strax á fjárfestingaáætlun Múlaþings og stefnt er að
viðbyggingin verði tilbúin til notkunar haustið 2027. Þar til viðbyggingin er tilbúin verða tekin inn fleiri börn en æskilegt er í Bjarkatún. Starfshópurinn óskaði jafnframt eftir að daggæsluframlag yrði hækkað.


Fjölskylduráð þakkar starfshópnum fyrir vinnuna og samþykkir að sótt verði í fiskeldissjóð fyrir viðbyggingunni við Bjarkatún og þegar niðurstaða fæst þaðan verði málið aftur tekið fyrir og fjárfestingaráætlun endurmetin. Óskað er eftir að umhverfis- og framkvæmdarsviðs fari strax í vinnu við þarfagreiningu og hönnun á viðbyggingunni. Leikskólastjóra, í samstarfi við leikskólafulltrúa, er falið að meta hversu mörg börn er hægt að taka inn í Bjarkatún á meðan þetta ástand varir. Varðandi daggæsluframlag þá verður það tekið fyrir á fjölskylduráðsfundi í október.

Samþykkt samhljóða með handauppréttingu.

Fyrir liggja starfsáætlanir leikskólanna Bjarkatúns, Brúaráss, Glaumbæjar, Hádegishöfða og Tjarnarskógar.

Fjölskylduráð þakkar fyrir metnaðarfullar starfsáætlanir og samþykkir þær samhljóða með handauppréttingu.

Skýrsla fræðslustjóra lögð fram til kynningar.