Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fjármálastjóri kynnti drög að ársreikningi sveitarfélagsins.

Lagt fram til kynningar.

Fyrir liggja tilboð í Hafnargötu 11 - Gamla ríkið sem opnuð voru með formlegum hætti miðvikudaginn 22. janúar 2025.

Eftirfarandi tillaga lögð fram:
Dagmar Ýr Stefánsdóttir sveitarstjóri kynnti yfirferð tilboða sem bárust og kröfur sem komu fram í auglýsingu og gögnum. Lagt er til að gengið verði til samninga við Úlfstaði ehf., sem er hagstæðasta tilboð af þeim sem uppfylltu kröfur til viðsemjanda samkvæmt auglýsingu og öðrum gögnum.
Byggðaráð samþykkir að ganga að tilboði Úlfstaða og felur sviðsstjóra framkvæmda- og umhverfismála að ganga frá samningi.

Samþykkt samhljóða án atkvæðisgreiðslu.

Fyrir liggja drög að samningi og nýjum samþykktum fyrir Minjasafn Austurlands

Eftirfarandi tillaga lögð fram:
Byggðaráð samþykkir fyrirliggjandi drög að samningi, milli Múlaþings og Fljótsdalshrepps varðandi breytt rekstrar- og eignarfyrirkomulag á Minjasafni Austurlands. Byggðaráð vísar málinu til sveitastjóra til afgreiðslu.

Samþykkt samhljóða án atkvæðagreiðslu.

Fyrir liggur erindi frá Hugrúnu Hjálmarsdóttur sviðsstjóra umhverfis- og framkvæmdamála með beiðni um að verkefni er lúta að götulýsingu í sveitarfélaginu verði flutt yfir til HEF veitna og verði hýst þar með annarri veitustarfsemi sveitarfélagsins.

Eftirfarandi tillaga lögð fram:
Byggðaráð Múlaþings beinir erindi vegna götulýsingar í Múlaþingi til stjórnar HEF til umfjöllunar og að málið verði tekið upp að nýju í byggðaráði er frekari gögn liggja fyrir.

Samþykkt samhljóða án atkvæðagreiðslu.

Fyrir liggja drög að málstefnu Múlaþings.

Eftirfarandi tillaga lögð fram:
Byggðaráð samþykkir fyrirliggjandi drög að málstefnu Múlaþings og vísar henni til afgreiðslu hjá sveitastjórn.

Samþykkt samhljóða án atkvæðagreiðslu.

Fyrir liggur fundargerð stjórnar Ríkarðshúss, dags. 20. febrúar 2025.

Lagt fram til kynningar.

Fyrir liggja fundagerðir Sambands íslenskra sveitarfélaga, dags. 18., 19., 20., 21. og 24. febrúar 2025.

Lagt fram til kynningar.

Fyrir liggur fundargerð Samráðshóps um framtíðaruppbyggingu atvinnulífs á Seyðisfirði, dags. 26. febrúar 2025.

Lagt fram til kynningar.

Fyrir liggur úttekt á stöðu fjarskiptamála á Austurlandi - Fjarskiptaáætlun Austurlands 2024-2025. Útgefin í janúar 2025 af Austurbrú og Gagna ehf. í samræmi við Svæðisskipulag Austurlands 2022-2044.

Eftirfarandi tillaga lögð fram:
Byggðaráð tekur undir með stjórn SSA um mikilvægi þess að innviðir á Austurlandi verði styrktir og þar á meðal farsímasamband á þjóðvegum fjórðungsins. Þetta er mikilvægt öryggismál fyrir þá sem ferðast um svæðið og brýnt að fá úrbætur án tafar.

Samþykkt samhljóða án atkvæðagreiðslu.

Fyrir liggur erindi frá Náttúruverndarsamtökum Austurlands (NAUST) um aðkomu sveitarfélagsins að opnum upplýsingafundi á Egilsstöðum undir yfirskriftinni "Hvað vitum við um áhrif vindorku?".

Eftirfarandi tillaga lögð fram:
Byggðaráð samþykkir að taka þátt í fundinum með því að bjóða upp á erindi um það sem sveitarfélagið hefur verið að vinna að í tengslum við vindorkumöguleika í sveitarfélaginu og nýtt aðalskipulag.

Samþykkt samhljóða án atkvæðagreiðslu.