Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Farið er fram á samþykki byggðarráðs fyrir að staðsestja stýrishús (torgsöluhús/listaverk) á hluta af lóðinni Lónsleiru 2-4-6 samkvæmt meðfylgjandi afstöðumynd.

Eftirfarandi tillaga lögð fram:
Byggðaráð samþykkir að veita Moniku Frycova leyfi til að staðsetja stýrishús (torgsöluhús/listaverk) á hluta af lóðinni Lónsleiru 2-4-6 samkvæmt meðfylgjandi afstöðumynd, til umráða í eitt ár.
Byggðaráð tekur undir með heimastjórn Seyðisfjarðar að stöðuleyfisumsókn gefur ekki vilyrði fyrir fjáraðstoð sveitarfélagsins við flutning né uppsetningu stýrishúss á nýjum stað.
Byggðaráð felur byggingarfulltrúa framkvæmd málsins í samræmi við afgreiðslu byggðaráðs og fyrirliggjandi samning.

Samþykkt samhljóða án atkvæðagreiðslu.

Fyrir liggur beiðni frá Eastfjords Adventures ehf. um afnot af hluta af lóðinni Lónsleiru 2-4-6 á Seyðisfirði.

Eftirfarandi tillaga lögð fram:
Byggðaráð samþykkir að Eastfjords Adventures ehf. fái hluta af lóðinni Lónsleiru 2-4-6 til umráða á tímabilinu 1. júní til 1. október 2024 undir torgsölu, samkvæmt meðfylgjandi afstöðumynd. Byggðaráð felur byggingarfulltrúa framkvæmd málsins í samræmi við afgreiðslu byggðaráðs og fyrirliggjandi samkomulag.

Samþykkt samhljóða án atkvæðagreiðslu.

Fyrir liggur bókun heimastjórnar Fljótsdalshéraðs frá 2.5.2024:
Heimastjórn Fljótsdalshéraðs beinir því til byggðaráðs að taka til umfjöllunar tækifæri fyrir störf á vegum ríkisins í Múlaþingi með vísan til skýrslu Rannsóknamiðstöðvar Háskólans á Akureyri um óstaðbundin störf, stöðu og framtíðarhorfur 2023 og með vísan til stefnumótandi byggðaáætlunar fyrir árin 2022 til 2036, t.d. aðgerð B.7. Óstaðbundin störf.

Eftirfarandi tillaga lögð fram:
Byggðaráð fagnar þeim jákvæðu niðurstöðum sem fram koma í skýrslu Rannsóknamiðstöðvar Háskólans á Akureyri varðandi árangur sem náðst hefur í sumum ráðuneytum og stofnunum ríkisins varðandi auglýsingar um störf án staðsetningar.

Í aðgerð B7, óstaðbundin störf, er m.a. fjallað um að byggðir "verði vinnustaðaklasar í samstarfi ríkis, sveitarfélaga og annarra aðila eftir atvikum þannig að góð vinnuaðstaða verði í boði sem víðast um landið."

Byggðaráð hvetur innviðaráðuneytið til að beita sér fyrir því að óstaðbundin störf verði auglýst þegar auglýsa þarf opinber störf og leggur einnig áherslu á að ríkið komi að borði varðandi kostnað við uppbyggingu vinnustaðaklasa eins og kemur skýrt fram í samþykktri Þingsályktun um stefnumótandi byggðaráætlun 2022-2036.

Byggðaráð felur einnig sveitarstjóra að óska eftir fundi með forstöðumanni Lands og skóga um starfsemi stofnunarinnar á Egilsstöðum / Austurlandi.

Samþykkt samhljóða án atkvæðagreiðslu.

Fyrir liggur minnisblað frá íbúafundum heimastjórnar Fljótsdalshéraðs sem haldnir voru í apríl s.l. en þar kom m.a. fram upplýsingar um slæmt gsm samband á Skjöldólfsstöðum.

Eftirfarandi tillaga lögð fram:
Byggðaráð Múlaþings samþykkir að fela sveitarstjóra að koma framkomnum ábendingum varðandi gsm samband á Jökuldal á framfæri við Fjarskiptasjóð, símafyrirtækin, Landsvirkjun og Neyðarlínuna með ósk um samráðsfund.

Samþykkt samhljóða án atkvæðagreiðslu.

Fyrir liggur fundargerð 947. fundar stjórnar Sambands íslenskra sveitarfélaga frá 19. apríl 2024.

Lagt fram til kynningar.

Fyrir liggja drög að kaupsamningi milli Múlaþings og Landstólpa ehf. um kaup Múlaþings á fasteigninni að Kaupvangi 10, Egilsstöðum.

Eftirfarandi tillaga lögð fram:
Byggðaráð samþykkir fyrirliggjandi drög að kaupsamningi milli Múlaþings og Landstólpa ehf. um kaup Múlaþings á fasteigninni að Kaupvangi 10, Egilsstöðum.

Samþykkt samhljóða án atkvæðagreiðslu.

Fyrir liggur erindi frá Egilsstaðakirkju varðandi styrk frá sveitarfélaginu í tilefni 50 ára afmælis kirkjunnar.

Í vinnslu.

Fyrir liggur tölvupóstur dagsettur 10. mars. 2024, frá Þuru Garðarsdóttur, þar sem sótt er um styrk til að halda hátíðina Flug og fákar, 28. júlí á Egilsstaðaflugvelli.

Eftirfarandi tillaga lögð fram:
Byggðaráð samþykkir að styrkja hátíðina Flug og fákar, sem haldin verður 28. júlí á Egilsstaðaflugvelli, um kr. 450.000 af lið 21810.

Samþykkt samhljóða án atkvæðagreiðslu.

Fyrir liggur fundargerð aðalfundar Landskerfis bókasafna hf. sem haldinn var 7. maí síðastliðinn.

Lagt fram til kynningar.

Fyrir liggur til umsagnar 930. mál frá nefnda- og greiningarsviði Alþingis, frumvarp til laga um lagareldi.

Eftirfarandi tillaga lögð fram:
Byggðaráð felur sveitarstjóra að skila inn umsögn í samræmi við umræður á fundinum.

Samþykkt samhljóða án atkvæðagreiðslu.