Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Inn á fundinn undir þessum lið kom atvinnu- og menningarmálastjóri Múlaþings, Aðalheiður Borgþórsdóttir, og gerði grein fyrir fyrirliggjandi tillögum að Menningarstefnu Múlaþings 2024-2030 auk aðgerðaráætlunar.

Í vinnslu.

Fyrir liggur úttektarskýrsla bsi Ísland fyrir jafnlaunakerfi Múlaþings auk minnisblaðs verkefnastjóra mannauðs. Fram kemur m.a. að óútskýrður launamunur hjá launafólki Múlaþings er 0,6% körlum í vil. Samkvæmt jafnlaunastefnu Múlaþings skal óútskýrður launamunur aldrei vera meiri en 3,5% en ávallt sem næst 0%. Inn á fundinn undir þessum lið kom verkefnastjóri mannauðsmála Sigrún Hólm Þórleifsdóttir.

Lagt fram til kynningar.

Fyrir liggja til afgreiðslu í byggðaráði endurskoðaðar reglur varðandi starfsþróun, sí- og endurmenntun starfsfólks og endurskoðaðar úthlutunarreglur Starfsþróunarsjóðs Múlaþings auk minnisblaðs verkefnastjóra mannauðs. Inn á fundinn undir þessum lið kom verkefnastjóri mannauðsmála Sigrún Hólm Þórleifsdóttir.

Eftirfarandi tillaga lögð fram.
Byggðaráð Múlaþings samþykkir fyrirliggjandi tillögur að endurskoðuðum úthlutunarreglum Starfsþróunarsjóðs Múlaþings og endurskoðuðum reglum um starfsþróun, sí- og endurmenntun starfsfólk hjá Múlaþingi. Verkefnastjóra mannauðs er falið að uppfæra umræddar reglur í samræmi við afgreiðslu byggðaráðs.

Samþykkt samhljóða án atkvæðagreiðslu.

Inn á fundinn undir þessum lið tengdust forsvarsfólk verkefnisins NATALIE project, þau Anna Berg Samúelsdóttir, Tinna K.Halldórsdóttir og Katrín Hulda Gunnarsdóttir, og kynntu verkefnið en þar er unnið að nýrri nálgun á náttúrumiðuðum aðferðum til að sporna við áhrifum veðurröskunar af völdum loftslagsbreytinga.

Fyrir liggur fundargerð samráðshóps um framtíðaruppbyggingu atvinnulífs á Seyðisfirði, dags. 24.04.2024 auk skjals þar sem fram koma tillögur að framtíðaruppbyggingu atvinnulífs á Seyðisfirði.

Lagt fram til kynningar.

Fyrir liggur fundargerð almannavarnarnefndar í umdæmi lögreglustjórans á Austurlandi, dags. 22.04.2024.

Lagt fram til kynningar.

Fyrir liggur fundargerðir stjórnar Samtaka orkusveitarfélaga, dags. 23.02., 21.3. og 08.04.2024.

Lagt fram til kynningar.