Heimastjórn Borgarfjarðar

Fyrir liggur frá Sýslumanninum á Austurlandi beiðni um umsögn vegna umsóknar frá Blábjörgum ehf. dagsett 3.6.22 um breytingu á rekstrarleyfi. Breytingin snýr að nýrri starfsemi í gamla kaupfélaginu.

Fyrir liggur jákvæð umsögn frá Brunavörnum Austurlands.

Með vísan til 4.mgr. 10. gr. laga nr. 85/2007 um veitingastaði, gististaði og skemmtanahald, veitir heimastjórn Borgarfjarðar jákvæða umsögn og staðfestir jafnframt að staðsetning staðar sem umsóknin lýtur að, sé innan þeirra marka sem reglur og skipulag sveitarfélagsins segir til um.

Samþykkt samhljóða.

Heimastjórn Borgarfjarðar fór yfir stöðuna á verkefninu Fjarðarborg - Samfélagsmiðstöð. Vegna ónægra upplýsinga mun heimastjórn halda aukafund um málið.

Afgreiðslu frestað.

Heimastjórn Borgarfjarðar hefur áður lýst yfir megnri óánægju með núverandi fyrirkomulag strandveiða þar sem það mismunar strandveiðisjómönnum milli landssvæða. Það er algjörlega ótækt að á meðan 48 dagar eru ekki tryggðir til strandveiða sé sameiginlegur pottur fyrir landið allt. Það veldur því að svæði þar sem fiskgengd er seinni part tímabilsins bera skarðan hlut frá borði og kemur í veg fyrir nýliðun og þátttöku í kerfinu á þeim svæðum. Núverandi kerfi veldur því að samkeppni myndast milli landssvæða og sjómenn fara út í víðsjárverðum veðrum sem er þvert á það sem stefnt var að með 48 daga kerfinu.

Strandveiðar eru atvinnulífi á Borgarfirði eystri gríðarlega mikilvægar og síðsumars er aflinn mestur og verðmætastur. Heimastjórn skorar á sveitarstjórn Múlaþings að beita sér fyrir því að strandveiðar verði tryggðar út ágúst.

Heimastjórn Borgarfjarðar mun jafnframt senda matvælaráðherra bréf í samræmi við umræður fundarins.

Samþykkt samhljóða án atkvæðagreiðslu.

Auður Vala Gunnarsdóttir og Helgi Sigurðsson komu á fund heimastjórnar og fóru yfir rekstrarsamning Hafnarhúss.

Í máli þeirra kom fram að ýmsar áskoranir vegna salernis - og sturtumála eru til staðar ásamt því að uppsetning skilta og öryggismyndavéla hefur dregist.

Starfsmanni heimastjórnar falið að koma málinu í viðeigandi farveg.

Samþykkt samhljóða án atkvæðagreiðslu.

Helga Guðmundsóttir fráfarandi fræðslustjóri, Anna Birna Einarsdóttir skólastjóri og Sigurbjörg Hvönn Kristjánsdóttir fræðslustjóri komu á fundinn og ræddu málefni grunnskólans.

Heimastjórn á Borgarfirði stefnir á að funda á fyrsta fimmtudegi hvers mánaðar kl. 09:00. Næsti reglulegi fundur verður í ágúst.
Íbúar geta sent inn erindi til heimastjórnar skriflega til Jóns Þórðarsonar á Hreppsstofu eða í tölvupósti á jon.thordarson@mulathing.is. Erindi skulu berast fyrir kl. 12:00 á þriðjudegi fyrir fund.

Netföng heimastjórnarfólks eru:
Alda Marín: alda.kristinsdottir@mulathing.is
Eyþór: eythor.stefansson@mulathing.is
Óli Hall: olafur.hallgrimsson@mulathing.is

Fundir heimastjórnar eru lokaðir en fundargerðir verða birtar á vef Múlaþings, mulathing.is.