Fjölskylduráð Múlaþings

Fyrir liggur eftirlitsskýrsla Vinnueftirlitsins, dagsett 19. 8. 2024, vegna sundlaugarinnar á Egilsstöðum. Á fundinn mætti Guðmundur Birkir Jóhannsson, forstöðumaður Íþróttamiðstöðvarinnar á Egilsstöðum. Hann fór yfir hugmyndir að breytingum á húsnæðinu til að koma til móts við þau fyrirmæli sem koma fram í skýrslunni.

Lagt fram til kynningar.

Fyrir liggur tillaga að auknu samstarfi milli skíðasvæðanna í Oddskarði og Stafdal.

Fjölskylduráð tekur jákvætt í að unnið verði áfram að auknu samstarfi og sameiginlegri gjaldskrá milli skíðasvæðanna í Oddskarði og Stafdal. Verkefnastjóra íþrótta- og æskulýðsmála er falið að vinna áfram að málinu.

Samþykkt samhljóða með handauppréttingu.

Fyrir liggur beiðni, dagsett 28. ágúst 2024, frá Lísu Leifsdóttur, formanni aðalstjórnar Hattar, um hækkun á framlagi sveitarfélagsins til íþróttafélagsins.

Í upphafi málsins vakti Guðmundur Bj. Hafþórsson athygli á að hann væri mögulega vanhæfur. Tillaga um vanhæfi var borin upp og var hún samþykkt samhjóða, vék Guðmundur af fundi undir þessum lið.

Fjölskylduráð tekur beiðni Hattar til athugunar við endurskoðun fjárhagsáætlunar núna í október.

Samþykkt samhljóða með handauppréttingu.

Þóra Björnsdóttir, verkefnastjóri frístunda og forvarna, kynnti drög að forvarnaráætlun barna og ungmenna í Múlaþingi.

Lagt fram til kynningar.

Skýrsla fræðslustjóra lögð fram til kynningar.