Fjölskylduráð Múlaþings

Fyrir liggja uppfærðar gjaldskrár fyrir tónlistarskóla í Múlaþingi, skólaárið 2024-2025.

Fjölskylduráð samþykkir fyrirliggjandi gjaldskrár tónlistarskólanna og er hækkunin 3,5%. Jafnframt er fræðslustjóra falið að koma með hugmyndir að samræmingu gjaldskráa milli tónlistarskólanna, einnig að kanna möguleika á auknu samstarfi milli skólanna til að bæta þjónustu við nemendur.

Samþykkt samhljóða með handauppréttingu.

Samkvæmt bókun frá fundi byggðaráðs, dagsettur 30. janúar sl., er óskað eftir því að fjölskylduráð tilnefni varamann til setu í faghópi um úthlutun menningarstyrkja hjá Múlaþingi. Á fundi fjölskylduráðs nr. 88 var Ásrún Mjöll Stefánsdóttir tilnefnd sem aðalmaður fyrir hönd fjölskylduráðs.

Fjölskylduráð tilnefnir Sigurð Gunnarsson sem varamann ráðsins.

Samþykkt samhljóða með handauppréttingu.

Fram eru lagðar tillögur að breytingum á reglum um sérstakan húsnæðisstuðning hjá Múlaþingi þar sem Húsnæðis- og mannvirkjastofnun hefur hækkað tekju- og eignamörk vegna almennra húsnæðisbóta.

Fjölskylduráð samþykkir frambornar breytingar og vísar málinu til áframhaldandi afgreiðslu hjá sveitarstjórn.

Samþykkt samhljóða með handauppréttingu.

Félagsmálastjóri fer yfir stöðu mála hjá félagsþjónustu.

Unglingalandsmót UMFÍ fer fram á Egilsstöðum 1.- 3. ágúst 2025. Fjölskylduráði er kynnt fyrirkomulag og umfang mótsins.

Lagt fram til kynningar

Skýrsla fræðslustjóra lögð fram til kynningar.