Byggðaráð Múlaþings

Fjármálastjóri og sveitarstjóri fóru yfir og kynntu mál er varða fjármál og rekstur sveitarfélagsins.

Fjármálastjóri og sveitarstjóri fóru yfir og kynntu drög að fjárhagsáætlun Múlaþings 2022-2025.

Eftirfarandi tillaga lögð fram:
Byggðaráð Múlaþings samþykkir að vísa drögum að fjárhagsáætlun Múlaþings fyrir árin 2022-2025 til fyrri umræðu í sveitarstjórn.

Samþykkt samhljóða

Fyrir lágu leiðbeiningar frá samgöngu- og sveitarstjórnarráðuneytinu varðandi m.a. ritun fundargerða og þátttöku kjörinna fulltrúa á fundum með rafrænum hætti. Einnig lá fyrir minnisblað frá skrifstofustjóra varðandi umræddar leiðbeiningar.

Eftirfarandi tillaga lögð fram:
Byggðaráð Múlaþings samþykkir að fela skrifstofustjóra að láta hefja vinnu við að uppfæra samþykktir sveitarfélagsins með hliðsjón af fyrirliggjandi leiðbeiningum samgöngu- og sveitarstjórnarráðuneytisins. Þessi vinna verði unnin samhliða endurskoðun samþykkta sveitarfélagsins með það að markmiði að stytta og gera skilvirkari verkferla í skipulagsmálum.

Samþykkt samhljóða.

Fyrir liggur fundargerð byggingarnefndar menningarhúss á Egilsstöðum frá 21.10.2021.

Lagt fram til kynningar.

Fyrir lá fundargerð stjórnar Ársala dags. 25.10.2021.

Lagt fram til kynningar.

Fyrir lá boð á aðalfund Heilbrigðiseftirlits Austurlands bs sem haldinn verður á Hornafirði miðvikudaginn 3. nóvember 2021.Óskað er eftir upplýsingum um hvaða fulltrúi muni sitja aðalfundinn fyrir hönd Múlaþings.

Eftirfarandi tillaga lögð fram:
Byggðaráð Múlaþings samþykkir að Stefán Bogi Sveinsson og Helgi Hlynur Ásgrímsson sitji aðalfund Heilbrigðiseftirlits Austurlands fyrir hönd sveitarfélagsins og fari með atkvæði fyrir hönd Múlaþings.

Samþykkt samhljóða.

Inn á fundinn mættu fyrir Artic Hydro þeir Skírnir Sigurbjörnsson, Kristinn Pétursson, Bjarki Þórarinsson og Haukur Einarsson og gerðu grein fyrir mögulegum framkvæmdum við Hamarsvirkjun.

Lagt fram til kynningar.

Fyrir lágu drög að þjónustu- og samstarfssamningi, ásamt viðauka, á milli Múlaþings, Austurbrúar og Sambands sveitarfélaga á Austurlandi um verkefnið Miðstöð Menningarfræða.

Eftirfarandi tillaga lögð fram:
Byggðaráð Múlaþings samþykkir fyrirliggjandi drög að þjónustu- og samstarfssamningi á milli Múlaþings, Austurbrúar og Sambands sveitarfélaga á Austurlandi um verkefnið Miðstöð Menningarfræða. Sveitarstjóra falið að undirrita samninginn fyrir hönd Múlaþings.

Samþykkt samhljóða.

Sveitarstjóri gerði grein fyrir þeirri vinnu sem hafin er innan sveitarfélagsins í samstarfi við HEF veitur varðandi málefni hitaveitu á Seyðisfirði.

Í vinnslu.

Fyrir liggur erindi frá Sambandi íslenskra sveitarfélaga, dagsett 7. október 2021, þar sem kynnt eru þau sameiginlegu stafrænu verkefni sveitarfélaga sem áætlað er að ráðast í á árinu 2022. Um leið er óskað eftir þátttöku sveitarfélaga í verkefnunum með fjárframlögum.

Eftirfarandi tillaga lögð fram:
Byggðaráð Múlaþings fagnar þeirri vinnu sem unnið er að af hálfu sveitarfélaganna, undir forystu Sambands íslenskra sveitarfélaga, varðandi stafræn verkefni. Byggðaráð samþykkir áframhaldandi þátttöku Múlaþings í verkefninu í samræmi við þær tillögur er fram koma í framlögðum gögnum.

Samþykkt samhljóða.