Vinnuskóli 2025

Eftirfarandi tillaga lögð fram:
Umhverfis- og framkvæmdaráð samþykkir fyrirliggjandi tillögu um fyrirkomulag vinnuskóla sveitarfélagsins árið 2025.

Vinnuskóli Múlaþings verður starfræktur frá 10. júní til 14. ágúst í sumar og er hann opinn ungmennum sveitarfélagsins sem eru fædd á árunum 2009 til 2012, eða þeim sem eru að ljúka 7. til 10. bekk í vor. Starfsstöðvar vinnuskólans verða fjórar: á Borgarfirði, Djúpavogi, Egilsstöðum/Fellabæ og Seyðisfirði.
Vinnuskólinn er ætlaður börnum sem eiga lögheimili í sveitarfélaginu eða dvelja hjá foreldri sem er þar með lögheimili.
Opnað verður fyrir umsóknir á næstu dögum og frestur til að sækja um rennur út kl. 12 á hádegi þann 11. maí 2025. Ekki verður tekið á móti umsóknum eftir þann tíma.
Jafnframt samþykkir ráðið eftirfarandi tímakaup fyrir hvern árgang:
Börn fædd 2012: 815 kr./klst. 3 klst/dag u.þ.b. 6 vikur
Börn fædd 2011: 1,236 kr./klst. 3 klst/dag u.þ.b. 7 vikur
Börn fædd 2010: 1.511 kr./klst. 6 klst/dag u.þ.b. 10 vikur
Börn fædd 2009: 1.785 kr./klst. 6 klst/dag u.þ.b. 10 vikur

Samþykkt samhljóða.