Almenningssamgöngur 2024

Verkefnastjóri umhverfismála, Stefán Aspar Stefánsson, situr fundinn undir þessum lið.
Framlagt er minnisblað um almenningssamgöngur á Egilsstöðum og í Fellabæ ásamt drögum að sumaráætlun strætó fyrir sumarið 2024.

Eftirfarandi tillaga lögð fram:
Umhverfis- og framkvæmdaráð vísar hugmyndum um fjölda stoppistöðva og staðsetningar þeirra til umsagnar hjá ungmennaráði og öldungaráði Múlaþings.

Samþykkt samhljóða.

Beiðni barst frá Umhverfis- og framkvæmdaráði Múlaþings um umsögn varðandi breytingu á stoppistöðvum hjá strætó innanbæjar á Egilsstöðum og í Fellabæ. Öldungaráð mælir eindregið með því að bætt verði við stoppi við Egilstaðaflugvöll.

Eftirfarandi tillaga lögð fram:
Umhverfis- og framkvæmdaráð samþykkir framlagðar tillögur um breytingar á akstursleið strætó milli Egilsstaða og Fellabæjar.
Strætó mun stoppa við Egilsstaðaflugvöll en fækka þarf stoppum á móti til að halda akstursáætlun. Verkefnastjóra umhverfismála er falið að gera breytingar á akstursáætlun strætó í samræmi við umræður á fundinum.

Samþykkt samhljóða.