Starfsemi Grunnskóla Borgafjarðar 2021-2022

Erindi barst frá starfsfólki Grunnskólans á Borgarfirði um starfsemi og rekstrarform hans fyrir skólaárið 2021 - 2022. Tillaga þeirra er að ráðinn verði deildarstjóri við skólann og skólastjórn verði í höndum skólastjórans í Fellaskóla. Helga Guðmundsdóttir, fræðslustjóri Múlaþings, mætti á fundinn og fræddi heimastjórn um samstarf Fellaskóla og Grunnskóla Borgarfjarðar.
Síðastliðin þrjú ár hafa nemendur á Borgarfirði sótt nám í Fellaskóla einu sinni í viku og hefur að mati fræðslustjóra og starfsfólks gefist vel. Frá áramótum hefur fyrirkomulagið verið þannig að skólastjóri Fellaskóla hefur sinnt skólastjórn Grunnskóla Borgarfjarðar.
Heimastjórn tekur undir sjónarmið starfsfólks Grunnskólans á Borgarfirði og fagnar þeim góða árangri sem hlotist hefur af samstarfi við Fellaskóla. Mikilvægt er að ráða deildarstjóra við skólann á Borgarfirði svo festa sé tryggð í skólahaldinu á staðnum. Heimastjórn tekur fram að ef aðstæður breytast má ráða skólastjóra við skólann á ný.
Vísað til fjölskyldu ráðs.

Fjölskylduráð leggur til að í ljósi farsæls samstarfs Grunnskólans á Borgarfirði og Fellaskóla, Fellabæ, verði starfsemin á Borgarfirði starfrækt sem deild frá Fellaskóla frá og með næsta skólaári. Ráðinn verði deildarstjóri sem hafi með höndum daglega umsjón með deildinni á Borgarfirði og sinni jafnframt kennslu þar.

Samþykkt samhljóða án atkvæðagreiðslu.

Fyrir lá minnisblað frá skrifstofustjóra varðandi starfsemi Grunnskóla Borgarfjarðar auk bókana frá fundum heimastjórnar Borgarfjarðar, dags. 25.03.2021, og fjölskylduráðs Múlaþings, dags. 27.04.2021.

Til máls tók: Elvar Snær Kristjánsson.

Eftirfarandi tillaga lögð fram:
Að tillögu fjölskylduráðs samþykkir sveitarstjórn að í ljósi farsæls samstarfs Grunnskólans á Borgarfirði og Fellaskóla, Fellabæ, verði starfsemin á Borgarfirði starfrækt sem deild frá Fellaskóla. Deildarstjóri hafi með höndum daglega umsjón með deildinni á Borgarfirði og sinni jafnframt kennslu þar. Sveitarstjórn tekur undir með heimastjórn Borgarfjarðar um að ef aðstæður breytast megi ráða skólastjóra við skólann á ný.

Samþykkt samhljóða með handauppréttingu.