Heimastjórn Seyðisfjarðar

Á fyrsta fundi Heimastjórnar Seyðisfjarðar er farið yfir helstu lög og reglur er varðar heimastjórnir Múlaþings.

Lagt fram til kynningar

Tækniminjasafn Austurlands hefur óskað eftir því að fá að kynna uppbyggingaráform safnsins ofl. Fulltrúi safnsins fer yfir málin.

Elfa Hlín Pétursdóttir og Jónína Brynjólfsdóttir safnstjórar komu inn á fundinn og kynntu framtíðaráform Tækniminjasafns Austurlands varðandi uppbyggingu eftir skriðuföll. Heimastjórn þakkar fyrir góða kynningu.

Fyrir heimastjórn liggur erindi frá Tækniminjasafni Austurlands dagsett 30.05.2022 þar sem óskað er eftir heimild til að koma fyrir upplýsingavörðum víðsvegar um bæinn.

Heimastjórn tekur vel í erindið og samþykkir að upplýsingavörðunum verði komið fyrir á þeim stöðum sem Tækniminjasafnið óskar eftir afnotum af, með fyrirvara um að sveitarfélagið hafi umráðarétt yfir þeim. Með fyrirvara um endurskoðun ef þörf krefur vegna annarra skipulagsmála. Heimastjórn samþykkir fyrir sitt leiti óskir Tækniminjasafnsins um bílastæði við Hafnargötu 28 (Silfurhöllin) og vísar þeim hluta erindisins til afgreiðslu hjá umhverfis- og framkvæmdaráði.

Fyrir umhverfis- og framkvæmdaráði var erindi frá Einari Sveini Jónssyni dags. 18.06.2021 varðandi hugmyndir um boltun klifurleiða í Seyðisfirði lagt fyrir fund þann 23.06.2021 og vísað til heimastjórnar Seyðisfjarðar.

Heimastjórn Seyðisfjarðar þakkar kærlega fyrir greinagott erindi og samþykkir það fyrir sitt leiti en minnir á að svæðið er á náttúruminjaskrá fyrir sérstæðan gróður og menningarminjar. Heimastjórn vísar erindinu til frekari afgreiðslu hjá umhverfis- og framkvæmdaráði.

Fyrir heimstjórn Seyðisfjarðar liggur að taka afstöðu til umsóknar um framlengingu á stöðuleyfi vegna verkefnisins Stýrishús - Brú við Austurveg 17, Seyðisfirði.

Heimastjórn Seyðisfjarðar hafnar beiðni Moniku Frycová dags.10.06.2022 um framlengingu stöðuleyfis fyrir Kiosk 108 sem er skilgreint í umsókn sem „fjölnota rými, gjörningaverk og skúlptúr, vettvangur fyrir list, matarvagn og menningarverslun“.

Mikil þjónustuskerðing hefur verið boðuð að hálfu HSA á Seyðisfirði. Frá og með 1. júní til og með 16. september er enginn læknir staðsettur í bænum. Mannfjöldinn margfaldast yfir sumartímann, t.d. með tilkomu skemmtiferðaskipa og LungA listahátíðar.

Heimastjórn lýsir yfir áhyggjum sínum á stöðunni og vísar málinu til sveitastjórnar til frekari umfjöllunar.

Afgreiðslu frestað

Afgreiðslu frestað

Fyrir heimastjórn Seyðisfjarðar liggja drög að niðurstöðu verkefnis um greiningu vindorkukosta í Múlaþingi dags. 21.06.2022. Umhverfis og framkvæmdaráð vísaði fyrirliggjandi drögum til umfjöllunar og umsagnar hjá heimastjórnum Múlaþings. Heimastjórn hefur kynnt sér drögin og telur að næsta skref sé að upplýsa íbúa Múlaþings um málið, einkum þeirra svæða sem teljast álitleg til virkjunar vindorku.

Heimastjórn fagnar því að fram sé komin umhverfismatsskýrsla vegna fyrirhugaðra Fjarðarheiðarganga. Heimastjórn hvetur sveitastjórn Múlaþings til þess að hraða ákvörðun leiðarvals frá gangnamunna Egilsstaðamegin svo ekki komi til tafa á fyrirhuguðu útboði haustið 2022.

Samantekt á niðurstöðum umhverfismats valkosta á leiðum Seyðisfjarðarmegin sýnir heilt yfir að neikvæð áhrif á umhverfisþætti eru óveruleg en verulega jákvæð á samfélag. Á framkvæmdatíma þarf sérstaklega að gæta að vatnsbóli Seyðisfjarðar og því gerð skil í skýrslunni.

Afgreiðslu frestað.

Reglulegir fundir heimastjórnar verð fyrsta fimmtudag hvers mánaðar.