Heimastjórn Seyðisfjarðar

Fyrir fundinum lá erindi frá NAUST - Náttúruverndanefnd Seyðisfjarðar þar sem NAUST kallar m.a. eftir upplýsingum um störf náttúruverndarnefndar Seyðisfjarðar sem skipuð er í samræmi við 14. grein laga um náttúruvernd 60/2013.

Heimastjórn Seyðisfjarðar felur starfmanni að undirbúa drög að svörum við erindi Náttúruverndarsamtaka Austurland í samvinnu við skrifstofustjóra Múlaþings og leggja fyrir heimastjórn.

Fyrir fundinum lá erindi frá Ingva Erni þar sem óskað var eftir svæði við Vesturveg á Seyðisfirði til leigu fyrir Matjurtagarða.

Heimastjórn tekur vel í erindið og beinir því til Umhverfis- og framkvæmdaráðs að skoða tilgreint svæði hvort mögulegt sé að nýta það, annars finna annan stað innan Seyðisfjarðar fyrir matjurtagarða. Heimastjórn vekur athygli á því að skoðað verði hvort í gildi sé nýtingaréttur (heynytjar) á tilgreindu landi.

Fyrir fundinum lá erindi frá Hönnu Christel og Elvari Má Kjartanssyni þar sem þau óskuðu eftir því að kannað yrði hvort það mætti búa til hvata í formi afslátta á gatnagerðargjöldum við uppbyggingu atvinnuhúsnæða þar sem mikill skortur er á atvinnuhúsnæði á öruggu svæði gagnvart ofanflóðum á Seyðisfirði.

Í kjölfar skriðufalla er mikill skortur á atvinnuhúsnæði á Seyðisfirði og mikilvægt að bregðast við með hvetjandi aðgerðum eins og afslætti á gatnagerðargjöldum. Heimastjórn Seyðisfjarðar óskar eftir því að Umhverfis- og framkvæmdaráð vinni erindið áfram og undirbúi tillögu fyrir sveitastjórn til afgreiðslu. Starfmanni falið að fylgja málinu eftir.

Yfirlit yfir rekstur þjónustusamnings við Austurbrú lagður fram.

Lagt fram til kynningar.

Undir þessum lið kom Sigurður Jónsson skipulagsfulltrúi Múlaþings og fór yfir fyrirhugaðar hafnarframkvæmdir við Seyðisfjarðarhöfn. Heimastjórn þakkar Sigurði fyrir komuna á fundinn og góða yfirferð yfir fyrirhugaða stækkun á Strandarbakka og útfærslu á nýrri smábátahöfn.