Heimastjórn Fljótsdalshéraðs

Á fundinn undir þessum lið mætti Rúnar Matthíasson, á umhverfis- og framkvæmdasviði sem fór yfir stöðuna á framkvæmdum við Safnahúsið á Egilsstöðum.

Heimastjórn Fljótsdalshéraðs þakkar Rúnari fyrir kynninguna.

Fyrir liggur til kynningar fundargerð aðalfundur stjórnar Landbótasjóðs Norður Héraðs sem fram fór mánudaginn 7.2.2024. Einnig ársreikningur sjóðsins fyrir árið 2023. Á fundinn undir þessum lið mætti Þorvaldur P. Hjarðar formaður Landbótasjóðs.

Heimastjórn Fljótsdalshéraðs þakkar Þorvaldi fyrir greinargóða yfirferð á störfum Landbótasjóðs.

Samþykkt samhljóða með handauppréttingu.

Fyrir liggja 17 hugmyndir að samfélagsverkefnum á Fljótsdalshéraði, frá íbúum sveitarfélagsins, en frestur til að skila inn slíkum hugmyndum var til 28.2.2024. Einnig liggur fyrir tillaga að vali verkefna og tilvísun verkefna til deilda sveitarfélagsins. Málið var áður á dagskrá síðasta fundar heimastjórnar.

Heimastjórn Fljótsdalshéraðs felur starfsmanni að ganga frá tillögunni í samræmi við umræður á fundinum.

Samþykkt samhljóða með handauppréttingu.

Fyrir liggur tillaga að auglýsingu um opna samtalsfundi heimastjórnar á Fljótsdalshéraði í apríl.

Heimastjórn Fljótsdalshéraðs samþykkir að halda opna samtalsfundi á Fljótsdalshéraði á eftirfarandi tímum í apríl:
- Í Brúarási þriðjudaginn 16. apríl. klukkan 20.00 til 21.30.
- Í Fellaskóla miðvikudaginn 17. apríl klukkan 17.00 til 18.30.
- Í Eiðar gistihúsi (gamla barnaskólanum) 17. apríl klukkan 20.00 til 21.30.
Íbúar sveitarfélagsins eru hvattir til að mæta og eiga samtal við fulltrúa heimastjórnar.

Samþykkt samhljóða með handauppréttingu.