Heimastjórn Fljótsdalshéraðs

Skipulags- og matslýsing Aðalskipulags Múlaþings 2025-2045 hefur verið lögð fram til kynningar í Skipulagsgátt. Óskað er eftir að umsagnir, ábendingar og sjónarmið er varða efni skipulagslýsingarinnar berist fyrir 31. janúar 2024.

Lagt fram til kynningar.

Fyrir liggja fjórar greinargerðir frá íslenska ríkinu þar sem lýst er kröfum í landsvæði á svæði 11, Austfirðir, sem lagt er til að verði úrskurðuð sem þjóðlendur.

Lagt fram til kynningar.

Fyrir liggur álit Skipulagsstofnunar um matsáætlun, dagsett 27.12.2023, fyrir allt að 500 MW vindorkugarð í Klausturseli, Múlaþingi. Málið var áður á dagskrá heimastjórnar Fljótsdalshéraðs 5.1.2023 þegar gerð var umsögn um málið.

Lagt fram til kynningar.

Fyrir liggur tölvupóstur frá framkvæmda- og umhverfismálastjóra, dagsettur 29.12.2023, þar sem farið er yfir stöðu verkefna sem kallað var eftir við gerð fjárhagsáætlunar fyrir 2023.

Lagt fram til kynningar.

Lagt er fyrir deiliskipulag ferðaþjónustu að Grund á Jökuldal. Skipulagið hefur verið uppfært með tilliti til breytinga á rammahluta Aðalskipulags Fljótsdalshéraðs 2008-2028 fyrir ferðaþjónustu- og áfangastaðinn Stuðlagil á Jökuldal auk þess sem brugðist hefur verið við athugasemdum Minjastofnunar Íslands, dags. 2. júní 2023, sem barst á auglýsingatíma skipulagsins.

Eftirfarandi var bókað á fundi umhverfis- og framkvæmdaráðs 8.1.2024:
Umhverfis- og framkvæmdaráð samþykkir deiliskipulag í landi Grundar og vísar málinu til heimastjórnar Fljótsdalshéraðs til afgreiðslu.

Heimastjórn Fljótsdalshéraðs samþykkir fyrirliggjandi deiliskipulag í landi Grundar.

Samþykkt samhljóða með handauppréttingu.

Lagt er fyrir deiliskipulag ferðaþjónustu að Hákonarstöðum á Jökuldal. Skipulagið hefur verið uppfært með tilliti til breytinga á rammahluta Aðalskipulags Fljótsdalshéraðs 2008-2028 fyrir ferðaþjónustu- og áfangastaðinn Stuðlagil á Jökuldal.

Eftirfarandi var bókað á fundi umhverfis- og framkvæmdaráðs 8.1.2024:
Umhverfis- og framkvæmdaráð samþykkir deiliskipulag í landi Hákonarstaða og vísar málinu til heimastjórnar Fljótsdalshéraðs til afgreiðslu.

Heimastjórn Fljótsdalshéraðs samþykkir fyrirliggjandi deiliskipulag í landi Hákonarstaða.

Samþykkt samhljóða með handauppréttingu.

Lagt er fyrir deiliskipulag ferðaþjónustu í landi Klaustursels á Jökuldal. Skipulagið hefur verið uppfært með tilliti til breytinga á rammahluta Aðalskipulags Fljótsdalshéraðs 2008-2028 fyrir ferðaþjónustu- og áfangastaðinn Stuðlagil á Jökuldal.

Eftirfarandi var bókað á fundi umhverfis- og framkvæmdaráðs 8.1.2024:
Umhverfis- og framkvæmdaráð samþykkir deiliskipulag í landi Klaustursels og vísar málinu til heimastjórnar Fljótsdalshéraðs til afgreiðslu. Ráðið samþykkir jafnframt uppfærð drög að umsögnum um athugasemdir sem bárust á auglýsingatíma skipulagsins.

Heimastjórn Fljótsdalshéraðs samþykkir fyrirliggjandi deiliskipulag í landi Klaustursels. Heimastjórn samþykkir jafnframt uppfærð drög að umsögnum um athugasemdir sem bárust á auglýsingatíma skipulagsins.

Samþykkt samhljóða með handauppréttingu.