Heimastjórn Djúpavogs

Umsókn um framkvæmdaleyfi frá Guðmundi Magna Bjarnasyni fyrir hönd Rarik um að leggja rafmagn frá Spennistöð við Víkurland 17 á Djúpavogi að Víkurland 6a (nýrri plastkassaverksmiðju) ásamt því að endurnýja vatnslögn á hluta leiðarinnar.

Heimastjórn samþykkir umrætt framkvæmdaleyfi.

Inngangur
Skipulagðir fundir Heimastjórnar Djúpavogs fram á vor.

Gert er ráð fyrir 1 fundi að jafnaði og er fundardagur 1. mánudagur hvers mánaðar nema í janúar apríl og maí þar sem það er 2. mánudagur. Fundardagatal sveitarfélagsins er aðgengilegt á heimasíðu Múlaþings.


Heimastjórn samþykkir framlagt fundarplan.

Kynnt fyrir heimastjórn staðan á vinnu við Aðalskipulagsbreytingu vegna útrásar við Langatanga.

Heimastjórn fagnar því að þessi vinna sé farin af stað og jafnramt lýsir yfir ánægju með að frárennslismál byggðarlagsins í heild, séu nú í endurskoðun og áform um frekari úrbætur séu komnar á áætlun.

Heimastjórn telur mikilvægt að gengið sé vel um umhverfi Langatanga, sem er að mestu ósnortið og að allur frágangur sé góður og mannvirki falli vel að umhverfinu.

Einnig vill Heimastjórn hvetja til að nýta sem best möguleg samlegðaráhrif við þessa framkvæmd og stígagerð á svæðinu.

Fyrir liggur bókun byggðarráðs þar sem því er beint til heimastjórnar Djúpavogs að skipa í stjórn Ríkarðssafns.


Heimastjórn samþykkir að Jódís Skúladóttir sitji áfram í stjórn Ríkarðssafns.