Heimastjórn Borgarfjarðar

Fyrir liggur ársskýrsla Náttúrustofu Austurlands fyrir árið 2022.

Lagt fram til kynningar.

Fyrir liggur tillaga að fundadagatali fyrir sveitarstjórn, ráð og heimastjórnir fyrir ágúst til desember 2023.

Heimastjórn Borgarfjarðar gerir ekki athugasemdir við þær tillögur að fundadagatali sem fram koma.

Samþykkt samhljóða án atkvæðagreiðslu.

Deiliskipulag íbúðabyggðar við Jörfa og Dagsbrún hefur verið auglýst í samræmi við 41. gr. skipulagslaga nr. 123/2010. Skipulagsstofnun tók skipulagið til athugunar og hefur verið brugðist við þeim ábendingum sem þar komu fram.
Breyting á Aðalskipulagi Borgarfjarðarhrepps 2004-2016 var auglýst samhliða deiliskipulaginu og var það samþykkt af sveitarstjórn Múlaþings 15. mars sl.

Heimastjórn Borgarfjarðar samþykkir fyrirliggjandi skipulagstillögu og felur skipulagsfulltrúa að birta hana í B-deild Stjórnartíðinda.

Samþykkt samhljóða án atkvæðagreiðslu.

Hugrún Hjálmarsdóttir kom á fund heimastjórnar og upplýsti heimastjórn um framgang verkefna á umhverfis - og framkvæmdasviði á Borgarfirði.

Á grundvelli fyrri umsókna um leiguhúsnæði á Borgarfirði í desember sl. hyggst heimastjórn Borgarfjarðar nýta ákvæði 3. greinar reglna um úthlutun á leiguhúsnæði í eigu Múlaþings (annarra en félagslegra íbúða) og úthlutar smáíbúð í Þórshamri án auglýsingar til Halls Inga Hallssonar um leið og hún losnar.

Heimastjórn leggur jafnframt til að leigusamningar um smáíbúð í Þórshamri verði að jafnaði gerðir til 1 árs í senn.

Samþykkt samhljóða án atkvæðagreiðslu. 

Dýpkun hafnarinnar og sjóvörnum (í Njarðvík og við Blábjörg) er lokið. Um miðjan júlí fer í útboð ný löndunarbryggja og annað tréverk. Útboðsgögn eru tilbúin.

Gjaldtaka í Hafnarhólma hefst á næstu dögum. Komið verður upp skiltum þar sem hægt verður að greiða rafræn frjáls framlög.

Heimastjórn þáði heimboð Þekkingaseturs Þingeyinga til Húsavíkur að skoða Stéttina, sem er nýuppgert samvinnuhúsnæði, í tengslum við fyrirhugaðar framkvæmdir í Fjarðarborg.

Heimastjórn þáði boð Aeco um að heimsækja leiðangursskipið Fridtjof Nansen. Þar var m.a. rætt um samtal og tengsl milli leiðangursskipanna og heimamanna.

Næsti fundur heimastjórnar Borgarfjarðar er áætlaður fimmtudaginn 6. júlí 2023. Erindi fyrir fundinn þurfa að berast fyrir kl. 12:00 mánudaginn 3. júlí. Erindi skal senda á netfangið jon.thordarson@mulathing.is eða eythor.stefansson@mulathing.is eða bréfleiðis til Hreppsstofu.