Félagsmálanefnd

Félagsmálanefnd felur félagsmálastjóra að ræða við Stígamót og afla frekari upplýsinga varðandi þjónustu á Austurlandi.

Borist hefur erindi frá Réttindagæslumanni fatlaðs fólks dagsett 23. janúar 2020. Réttindagæslumaður gerir athugasemdir við íbúðir í búsetuúrræði sveitarfélagsins í Bláargerði. Félagsmálanefnd felur félagsmálastjóra að kanna viðhorf íbúa til breytinga á eldhúsinnréttingum og skoða möguleika á breytingum í samstarfi við starfsmenn eignasjóðs, að ósk íbúanna.

Félagsmálanefnd samþykkir að ganga til samstarfs og samninga við Félags- og barnamálaráðuneytið ásamt Dómsmálaráðuneytinu um forvarnarstarf í þágu barna og barnafjölskyldna í skilnaðarferli. Verklagið er í samhljóman við yfirlýsta stefnu og markmið Félagsþjónustu Fljótsdalshéraðs hvað varðar bætta stöðu barna, með snemmtækri íhlutun og forvarnarstarfi. Nefndin þekkir hversu erfið og flókin skilnaðarmál geta verið og hversu afleiðingar slæmra samskipta foreldra geta verið fyrir börn og foreldra þeirra. Þörf er á að koma fyrr að málefnum foreldra í skilnaðarferli og leitast við að fyrirbyggja vanda sem getur, fái hann að þróast, orðið krónískur og bitnað á þroska og velferð barnanna sem í hlut eiga. Kostnaður við tilraunaverkefnið rúmast innan ramma fjárhagsáætlunar.

Bókun nefndar færð í trúnaðarmálabók.

Lagt fram til kynningar. Nefndin vekur athygli á því að hægt er að fylgjast með fræðslufundi SÍS um sáttmála SÞ um réttindi fatlaðs fólks á streymi þann 3. febrúar n.k.

Vegna erindis af bæjarstjórnarbekk. Bent var á að afsláttarviðmið fasteignagjalda væru of lág. Félagsmálanefnd bendir á að ákvörðun um breytingar á viðmiðunarmörkum er tekin árlega, samhliða fjárhagsáætlunargerð.

Að öðru leyti lagt fram til kynningar.

Borist hefur beiðni frá Aflinu - samtökum gegn heimilis- og kynferðisofbeldi um styrk fyrir starfsemi samtakanna fyrir árið 2020. Félagsmálanefnd felur félagsmálastjóra að ræða við stjórnendur Aflsins, áður en ákvörðun um styrk á yfirstandandi ári er tekin. Frestað til næsta fundar.

Félagsmálastjóri reifar málefni sviðsins frá síðasta fundi nefndarinnar.