Félagsmálanefnd

Móttekin er beiðni Aflins um fjárstuðning dagsett 20. október 2017. Félagsmálanefnd telur sér ekki fært að verða við beiðni samstakanna um fjárstuðning að þessu sinni, þar sem nefndin hefur um langt skeið verið í samstarfi við samtökin Stígamót um þjónustu við brotaþola ofbeldis á svæðinu.

Félagsmálstjóri greinir frá því helsta sem hefur verið til vinnslu á vegum nefndarinnar á liðnum mánuði.

Við tilkomu nýrrar bifreiðar við ferðaþjónustu fatlaðra á vegum Félagsþjónustu Fljótsdalshéraðs stendur eldri bifreið ónotuð. Nokkrir aðilar hafa sett í sig í samband við bæjaryfirvöld og óskað eftir kaupum á bílnum. Félagsmálanefnd samþykkir fyrir sitt leyti að bifreiðin verði seld og söluandvirði hennar notað til að innleiða nýtt vinnulag í barnavernd. Félagsmálastjóra er falið að annast sölu bifreiðarinnar.

Móttekið er svarbréf Samtakanna Stígamóta við óskum nefndarinnar um að þjónusta samtakanna við brotaþola ofbeldis verði veitt á fleiri þéttbýlisstöðum er heyra undir félagsmálanefnd. Nefndin sýnir skilning á að það sé erfiðleikum bundið fyrir ráðgjafa Stígamóta að ferðast innan svæðisins og veita þjónustu víðar, með tilliti til tima og kostnaðar en fagnar því að samtökin hyggist fara í kynningarherferð á þjónustu sinni á svæðinu með sérstaka áherslu á karlkyns þolendur ofbeldis.