Félagsmálanefnd

Niðurstaða samkvæmt bókun í málinu.

Lagt fram yfirlit yfir umfang og eðli barnaverndartilkynninga á þjónustusvæði félagsmálanefndar Fljótsdalshéraðs árið 2016. Alls barst 61 tilkynning vegna 44 barna, 27 tilkynningar bárust vegna ofbeldis á barni, 9 tilkynningar vegna vanrækslu barns og 25 tilkynningar vegna áhættuhegðunar barns.

Lagt fram yfirlit yfir veitta heimaþjónustu á Fljótsdalshéraði árið 2016. Heimaþjónusta var veitt á alls 72 heimilum á árinu. Heildarkostnaður vegna þjónustunnar eru rúmar tuttugu milljónir. Á móti þeim kostnaði koma greiðslur þeirra sem njóta þjónustunnar.

Lagt fram yfirlit yfir kostnað vegna heimsendingu matar á Fljótsdalshéraði, en hann var rétt um sjö milljónir króna. Á móti þessum kostnaði koma greiðslur þeirra er fá heimsendan mat.

Lagt fram yfirlit yfir veittar húsaleigubætur og sérstakar húsaleigubætur á Fljótsdalshéraði árið 2016. Þar kemur fram að heildarupphæð almennra húsaleigubóta á árinu var kr. 33.802.286. Heildarupphæð sérstakra húsaleigubóta fyrir sama tímabil var kr. 1.367.808. Alls voru því greiddar húsaleigubætur/sérstakar húsaleigubætur á Fljótsdalshéraði árið 2016 kr. 35.170.194. Ekki liggur fyrir endanleg upphæð um hvert mótframlag ríkisins vegna húsaleigubóta verður árið 2016.

Lagt fram yfirlit yfir veitta dagþjónustu eldri borgara á Fljótsdalshéraði árið 2016. Alls hefur sveitarfélagið samþykkt Velferðarráðuneytisins fyrir átta dagþjónustu rýmum sem 18 einstaklingar hafa nýtt á árinu.

Lagt fram yfirlit yfir veitta fjárhagsaðstoð árið 2016. Þar kemur fram að á Fljótsdalshéraði nam upphæð fjárhagsaðstoðar alls kr. 9.542.338. Fjárhagsaðstoð hjá Djúpavogshreppi nam kr. 526.340, Seyðisfjarðarkaupstað kr. 466.548, og hjá Vopnafjarðarhreppi kr. 250.000. Engin fjárhagsaðstoð var veitt á Borgarfirði eystri eða hjá Fljótsdalshreppi.

Staða rekstraráætlunar félagsþjónustunnar fyrir árið 2016 lögð fram til kynningar. Endanlegt uppgjör áætlunarinnar liggur ekki fyrir en svo virðist sem lokatölur verði í samræmi við þá áætlun sem gerð var fyrir árið 2016.

Drög að hækkun grunnfjárhæðar fjárhagsaðstoðar fyrir árið 2017 er lögð fram og samþykkt að hækka hana miðað við vísitölu neysluverðs í desember 2016. Upphæðin hækkar því í kr. 157.252 fyrir einstakling á mánuði og í kr. 251.603 fyrir hjón/sambúðarfólk. Einstaklingur með stuðning frá heimili fær helming grunnfjárhæðar sem er kr. 78.626. Breytingin tekur gildi nú þegar.

Drög að starfsáætlun Félagsþjónustu Fljótsdalshéraðs fyrir árið 2017 er lögð fram og samþykkt.

Drög að starfsáætlun Stólpa, hæfingu og iðju, fyrir árið 2017 er lögð fram og samþykkt.

Drög að starfsáætlun mann-og geðræktarmiðstöðvarinnar Ásheima fyrir árið 2017 er lögð fram og samþykkt.

Drög að starfsáætlun fyrir tómstundastarf og Hlymsdala fyrir árið 2017 er lögð fram og samþykkt.

Drög að starfsáætlun búsetueiningarinnar að Miðvangi, fyrir árið 2017 er lögð fram og samþykkt.

Umsókn um styrk vegna átaksverkefnis meistaranema við Háskólann á Akureyrir tekin fyrir og synjað.