Félagsmálanefnd

Umsókn Kvennaráðgjafarinnar um rekstrarstyrk á árinu 2017 er tekin fyrir og synjað.

Umsókn Aflsins um rekstrarstyrk á árinu 2017 er tekin fyrir og synjað.

Yfirlit yfir stöðu launa hjá Félagsþjónustu Fljótsdalshéraðs fyrstu ellefu mánuði ársins lagt fram til kynningar. Áætlunin er 2% undir samþykktri launaáætlun.

Drög að hækkaðri gjaldskrá vegna leigu á Hlymsdölum lögð fram og samþykkt.

Drög að hækkaðri gjaldskrá vegna félagslegrar heimaþjónustu og heimsendingu matar er lögð fram og samþykkt.

Framkvæmdaáætlun í málefnum fatlaðs fólks lögð fram til kynningar.

Drög að leiðbeinandi reglum um sérstakan húsnæðisstuðning fyrir sveitarfélög landsins eru lögð fram til kynningar.

Drög að breyttum reglum um sérstakan húsnæðisstuðning eru lagðar fram og samþykktar þó með þeim fyrirvara að bætt verði inn í 25. gr. reglnanna athugasemd þess eðlis að 7. gr. eigi ekki við þar. Einnig er ákveðið að breyta matsviðmiðum reglnanna í þá veru að eldri viðmið um framfærslukostnað bætast við leiðbeinandi reglur ráðuneytisins, þannig verði tryggt að þeir lægst launuðu eigi rétt á sérstökum húsnæðisstuðningi.