Félagsmálanefnd

Lagt fram rekstraryfirlit félagsþjónustunnar fyrstu sex mánuði ársins 2016. Þar kemur fram að áætlun ársins stefni í að verða innan fjárheimilda.

Drög að rekstraráætlun ársins 2017 lögð fram til umræðu.

Drög að frumvarpi laga um fatlað fólk og lög um félagsþjónustu sveitarfélaga tekið til umræðu. Nefndin tekur undir þær athugasemdir sem koma fram í minnisblaði til Velferðaráðuneytisins frá fulltrúum sveitarfélaga í starfshópi um endurskoðun laga um félagsþjónustu sveitarfélaga og laga um þjónustu við fatlað fólk.
Í drögum félagsþjónustulaganna er gert ráð fyrir tveim pólitískum samráðshópum, annars vegar í málefnum fatlaðs fólks og hins vegar í málefnum eldri borgara. Félagsmálanefnd Fljótsdalshéraðs setur spurningamerki við nauðsyn slíkrar ráðstöfunar. Í 11. gr. sömu laga er talað um að taka skuli mið af gjaldi fyrir almenningssamgöngur, en nefndin leggur til að þess í stað komi fram að ”heimilt er að hafa til hliðsjónar gjald fyrir almenningssamgöngur á svæðinu og samanburð á gæðum þjónustunnar“.

Drög að uppfærðum reglum um sérstakar húsaleigubætur eru lögð fram og samþykkt.

Beiðni Styrktarfélags lamaðra og fatlaðra um fjárhagslegan styrk vegna sumar og helgardvala fatlaðra barna og ungmenna í Reykjadal, tekin fyrir og synjað.