Félagsmálanefnd

Forvarnarstefna Fljótsdalshéraðs lögð fram til kynningar. Varðandi markmið sem fram kemur í stefnunni, um stofnun forvarnarhóps telur félagsmálanefnd rétt að núverandi forvarnarhópur undir stjórn félagsmálastjóra verði færður undir stjórn fræðslufulltrúa sveitarfélagsins. Á þann hátt verða öll forvarnarmál undir einni stjórn hjá fræðslunefnd.

Drög að uppfærðri gjaldskrá heimþjónustu samþykkt. Sú breyting er gerð á gjaldskránni að hætt verður að innheimta gjald fyrir meira en tveggja tíma þjónustu á viku. Breytingin hefur áhrif á fáein heimili sem nú fá umfangsmeiri þjónustu en að ofan greinir.

Eðli og umfang barnaverndartilkynninga sem borist hafa Félagsmálanefnd Fljótsdalshéraðs á tímabilinu janúar til og með apríl 2014 lagðar fram til kynningar. Séu sambærilegar tölur bornar saman við sama tímabil ársins 2013 kemur í ljós að tilkynningum hefur fjölgað um 100%, voru 20 en eru nú 40 vegna 38 barna.

Tillögur að áætlun um uppbyggingu þjónustu fyrir fatlað fólk á Fljótsdalshéraði eru teknar til umræðu. Nefndin tekur undir það sem fram kemur í greinargerð starfsmanna um að mikilvægt sé að huga að uppbyggingu búsetuúrræða fyrir þann hóp fólks sem nú þegar hefur óskað eftir búsetuúrræði skv. lögum um málefni fatlaðs fólks. Ekki er talið raunhæft að svo stöddu, að hefja nýframkvæmdir á þjónustukjarna fyrir þennan hóp fólks og félagsmálastjóra því falið að leita lausna innan sveitarfélagsins og í samstarfi við hagsmunasamtök.

Bréf velferðaráðuneytis vegna dagþjónustu eldri borgara lagt fram til kynningar, en þar kemur fram að frá 5. maí 2014 fjölgaði dagþjónustu rýmum á Fljótsdalshéraði um 2 og eru því orðin alls 8 talsins.

Niðurstaða samkvæmt bókun í málinu.

Nefndin samþykkir fyrirliggjandi drög að fjárhagsáætlun 2015 og felur félagsmálastjóra að ljúka gerð áætlunarinnar í samstarfi við fjármálastjóra sveitarfélagsins.

Sameiginleg stefna félagsþjónustu Fljótsdalshéraðs og Fjarðarbyggðar tekin til umfjöllunar. Hún hefur stuðlað að góðu samstarfi þjónustusvæðanna. Nefndin leggur til að stefnan verið tekin til umfjöllunar á haustdögum 2014.

Ályktun Ungmennaráðs Ungmennafélags Íslands lögð fram til kynningar.

Hefur þegar fengið afgreiðslu.