Félagsmálanefnd

Niðurstaða samkvæmt bókun í málinu

Niðurstaða samkvæmt bókun í málinu

Lögð fram tillaga að drögum að fjárhagsáætlun Félagsþjónustu Fljótsdalshéraðs fyrir árið 2014. Forgangsverkefni vegna nýframkvæmda og stærri viðhaldsverkefna sem nefndin sér ástæðu til að hrinda í framkvæmd á komandi ári eru viðtalsherbergi í mann- og geðræktarmiðstöðinni Ásheimum auk endurbóta og viðhalds á Stólpa. Kostnaðaráætlun vegna þessara verka er í höndum framkvæmdasviðs sveitarfélagsins. Tillögu fjárhagsáætlunar vísað til afgreiðslu bæjarráðs.

Samningur dagsettur 10. apríl 2013 með vísan til 25. gr. laga um málefni fatlaðra nr. 59 / 1992 með síðari breytingum og VII. kafla laga um félagsþjónustu sveitarfélaga nr. 40 /1991 með síðari breytingum á milli Vopnafjarðarhrepps f.h. Sundabúðar og Félagsþjónustu Fljótsdalshéraðs, kynntur nefndinni. Samningurinn gildir frá 1. janúar 2013 til 31. desember 2013.

Samningur um notenda stýrða persónulega aðstoð (NPA) dagsettur 21. mars 2013 með vísan til laga um málefni fatlaðs fólks nr. 59 / 1992 með síðari breytingum og VII. kafla laga um félagsþjónustu sveitarfélaga nr. 40 /1991 með síðari breytingum á milli Félagsþjónustu Fljótsdalshéraðs og einstaklings búsettum á þjónustusvæðinu er kynntur nefndinni. Samningurinn gildir frá 1. apríl 2013 til 31. desember 2013

Fundargerð framkvæmdastjórnar Skólaskrifstofu Austurlands lögð fram til kynningar.