Bæjarráð Fljótsdalshéraðs

Björn Ingimarsson bæjarstjóri fór yfir mál sem eru í vinnslu þessa dagana og kynnti stöðuna fyrir bæjarráði.
Einnig fór Guðlaugur Sæbjörnsson fjármálastjóri yfir upplýsingar um útgjöld og tekjur sveitarfélagsins miðað við síðustu stöðu úr bókhaldinu.

Farið yfir fundargerðir 282. og 283. fundar stjórnar HEF og þær síðan lagðar fram til kynningar.

Lagt fram og staðfest erindisbréf fyrir byggingarnefnd Menningarhúss á Egilsstöðum. Einnig kynnti Björn undirbúningsvinnu við framkvæmdina og möguleg næstu skref.

Lagt fram aðalfundarboð Brunavarna á Austurlandi, sem boðaður er á Egilsstöðum 24. september nk.
Bæjarráð samþykkir að veita Birni Ingimarssyni umboð til að fara með atkvæði Fljótsdalshérað á fundinum.

Bæjarráð samþykkir að eftirtaldir aðilar verði skipaðir til aðstoðar undirkjörstjórnum á Fljótsdalshéraði fyrir sveitarstjórnar og heimastjórnarkosningarnar þann 19. september nk:

Jón Hávarður Jónsson, Vignir Elvar Vignisson, Ólöf Ólafsdóttir, Maríanna Jóhannsdóttir, Ingvar Skúlason, Hulda D. Jónasdóttir, Ingibjörg Jónsdóttir, Magnhildur Björnsdóttir, Hafþór Rúnarsson, Hugborg Hjörleifsdóttir, Erlendur Steinþórsson og Brynjar Árnason.

Framangreindir aðilar sinni samskonar verkefnum og hafi sömu skyldur og kjörstjórnarfulltrúar, skv. nánari ákvörðun yfirkjörstjórnar.

Bæjarráð Fljótsdalshéraðs samþykkir þátttöku í Jafnvægisvog FKA og felur bæjarstjóra að fylla út viljayfirlýsingu þar að lútandi.

Lögð fram samantekt frá verkefnastjóra íþrótta- tómstunda- og forvarnarmála og forstöðumanni félagsmiðstöðva varðandi þátttöku í félagsmiðstöðvastarfi á Fljótsdalshéraði. Í samantektinni kemur fram að þátttaka í starfinu síðastliðinn vetur er umtalsvert meiri en fram kom í niðurstöðum Rannsóknar og greiningar, sem lá fyrir á síðasta bæjarstjórnarfundi.

Bæjarráð þakkar fyrir greinargóða samantekt og yfirlit yfir það viðamikla starf sem fram fer í félagsmiðstöðvunum.

Bæjarráð beinir því til ráðherra málaflokksins og þingheims að taka þarf tillit til hagsmuna örbrugghúsa sem komið hefur verið á fót, oft í smærri byggðarlögum, og eru mikilvægur hluti af atvinnulífi og ferðaþjónustu á þeim stöðum.

Lagt fram til kynningar svar frá forstöðumanni Héraðsskjalasafns.

Fyrir liggur tölvupóstur frá Ólafi Sveinssyni, dagsettur 11. september 2020, þar sem óskað er eftir styrk vegna útisýningar á ljósmyndum eftir Skarphéðin G. Þórisson.

Bæjarráð tekur vel í erindið og leggur til að verkefnið verði styrkt um kr. 215.000. Bæjarráð felur starfsmanni atvinnu- og menningarnefndar að finna fjármuni til verkefnisins af liðum menningarmála eða atvinnumála.