Bæjarráð Fljótsdalshéraðs

Björn Ingimarsson bæjarstjóri fór yfir og kynnti mál sem varða rekstur sveitarfélagsins.

Lögð fram fundargerð stjórnar HEF ehf. frá 11. júní 2020.

Lögð fram fundargerð stjórnar Sambands íslenskra sveitarfélaga frá 12. júní.

Lagt fram bréf, dagsett 16. júní 2020, frá Sambandi íslenskra sveitarfélaga, um beiðni sveitarstjórnarráðherra vegna fasteignaskattsálagningar árið 2021.

Samkvæmt fyrirliggjandi gögnum mun fasteignamat atvinnuhúsnæðis, sem erindið snýr einkum að, lækka milli áranna 2020 og 2021, á Fljótsdalshéraði og þar með fasteignagjöld atvinnuhúsnæðis.
Að öðru leyti lagt fram til kynningar.

Lögð fram til kynningar ályktun aðalfundar Landverndar 2020 um vernd hálendis Austurlands, dagsett 12. júní 2020.

Eftirfarandi tillaga lögð fram:
Bæjarráð beinir því til stjórnar Hitaveitu Egilsstaða og Fella að boða til hluthafafundar. Bæjarráð samþykkir jafnframt að fela bæjarstjóra að mæta á hluthafafund í Hitaveitu Egilsstaða og Fella ehf.

Samþykkt samhljóða með handauppréttingu.

Lögð fram umsókn dagsett 10. júní 2020 frá Akstursíþróttaklúbbnum Start um að halda torfærukeppni í Mýnesgrúsum 4. júlí 2020.

Bæjarráð, með vísan til fullnaðarafgreiðsluheimildar sem veitt var á fundi bæjarstjórnar 18. júní 2020, samþykkir að veita umbeðið leyfi með þeim fyrirvara að allra nauðsynlegra leyfa og trygginga verði aflað.

Samþykkt samhljóða með handauppréttingu.