Bæjarráð Fljótsdalshéraðs

Guðlaugur Sæbjörnsson fjármálastjóri fór yfir nokkur mál sem tengjast rekstri og fjármálum sveitarfélagsins og kynnti þau fyrir bæjarráði.

Lagðar fram til kynningar tvær fundargerðir stjórnar SSA frá 28. janúar og 10. mars 2020.

Björn upplýsti bæjarráð um það helsta sem rætt var á fundi almannavarnarnefndar og stöðuna í umdæmi nefndarinnar.
Að öðru leyti lagt fram til kynningar.

Inn á fjarfund bæjarráðs undir þessum lið komu Ingvar Tryggvason frá ÖFÍA og Ragnar Ragnarsson frá félagi ísl. atvinnuflugmanna, til að fara yfir væntanlegar framkvæmdir og ýmis öryggismál á Egilsstaðaflugvelli.
Ingvar lýsti skoðun flugmanna á núverandi tillögu að deiliskipulagi svæðisins og hvernig vænlegast væri að útfæra svæðið til framtíðar. Lýsti hann ánægju með núverandi áform en lagði mikla áherslu á að flugvöllurinn verði kláraður með gerð samsíða akstursbrautar.
Síðan rætt um kosti flugvallarins og svæðisins þar og lengingarmöguleika
á núverandi flugbraut.
Eftir gott spjall um málið var gestunum þökkuð koman og veittar upplýsingar.
Bæjarráð samþykkir að taka málið upp aftur á næsta fundi sínum.

Bæjarráð leggur til við bæjarstjórn að skrifstofa Fljótsdalshéraðs verði lokuð frá mánudeginum 20. júlí og til og með föstudeginum 31. júlí.

Bæjarráð samþykkir að fela bæjarstjóra að láta fara yfir málið innan stjórnsýslu sveitarfélagsins og taka það síðan aftur fyrir á næsta fundi bæjarráðs.