Bæjarráð Fljótsdalshéraðs

Guðlaugur Sæbjörnsson fjármálastjóri fór yfir nokkur mál tengd rekstri sveitarfélagsins og skýrði fyrir bæjarráði.Reksturinn fyrstu mánuði ársins er samkvæmt fjárhagsáætlun.

Meðal annars kom fram að áfram fjölgar íbúum sveitarfélagsins og voru þeir um síðustu mánaðarmót 3612.

Fundargerðin lögð fram.

Farið yfir gögn sem fylgja íbúasamráðsverkefni Sambandsins og Akureyrarbæjar.
Bæjarráð felur bæjarstjóra, í samráði við starfshópinn um norræna samstarfsverkefnið, að sækja um aðild að umræddu verkefni.

Lögð fram tilmæli frá Sambandinu til sveitarfélaga um að hækka ekki gjaldskrár sínar það sem eftir er ársins 2019 og að gjaldskrárhækkanir á næsta ári fari ekki yfir 2,5%.
Tilmæli þessi eru sett fram í tengslum við lífskjarasamninga 2019 - 2022.
Bæjarráð felur bæjarstjóra og fjármálastjóra að meta möguleg áhrif þessa á rekstur yfirstandandi árs og að fjárhagsáætlunarvinna fyrir næsta ár taki mið af þessu.

Bæjarráð leggur til við bæjarstjórn að hefðbundin sumarlokun bæjarskrifstofu Fljótsdalshéraðs 2019 verði frá og með mánudeginum 22. júlí og til og með mánudagsins 5. ágúst.

Tekin fyrir tillaga starfshóps um húsnæðismál fyrir Tólnistarskóann á Egilsstöðum og Egilsstaðaskóla. Tillagan snýst um gerð millilofts í Egilsstaðaskóla á þessu ári, sem skapar viðbótarkennslurými fyrir Tónlistarskólann, strax á næsta misseri.
Bæjarráð felur bæjarstjóra og fjármálastjóra að skoða möguleika á fjármögnun á verkefninu og leggja fyrir næsta fund bæjarráðs.

Fram kom að málið er til umsagnar hjá umhverfis- og framkvæmdanefnd og náttúruverndarnefnd. Umsagnarfrestur er til 30. apríl.

Lagt fram til kynningar.