Bæjarráð Fljótsdalshéraðs

Hlusta

451. fundur 17. desember 2018 kl. 08:00 - 11:00 í fundarsal bæjarstjórnar

Nefndarmenn

Anna Alexandersdóttir formaður
Stefán Bogi Sveinsson varaformaður
Steinar Ingi Þorsteinsson aðalmaður
Björn Ingimarsson bæjarstjóri
Stefán Snædal Bragason skrifstofu- og starfsmannastjóri
Hannes Karl Hilmarsson bæjarfulltrúi

Fundargerð ritaði: Stefán Bragason skrifstofustjóri

Á þessum fundi fór bæjarráð með fullnaðarafgreiðsluheimild mála skv. samþykkt bæjarstjórnar frá 21.11.2018.

1.Myndavélaeftirlit

201809059

Í vinnslu.

2.Frumvarp til laga um samskiptaráðgjafa íþrótta- og æskulýðsstarfs

201812070

Umfjöllun frestað.

3.Tillaga til þingsályktunar um að efla íslensku sem opinbert mál á Íslandi

201812069

Umfjöllun frestað.

4.Tillaga til þingsályktunar um áætlun fyrir árin 2019 - 2022 um aðgerðir gegn ofbeldi og afleiðingum þess

201812040

Umfjöllun frestað.

5.Umsókn um tækifærisleyfi til áfengisveitinga - Askur Taproom, nýársskemmtun

201812042

Fyrir liggur umsagnarbeiðni frá Sýslumanninum á Austurlandi vegna umsóknar um tækifærisleyfi vegna Nýársskemmtunar sem haldið verður á Aski Taproom Fagradalsbraut 25 Egilsstöðum, þann 01.01.2019. Ábyrgðarmaður er Friðrik Bjartur Magnússon. Sótt er um leyfi til að nýársfagnaðurinn standi frá kl. 00:30 til kl. 04:30 þann 1. janúar 2019.

Fyrir liggur starfsleyfi frá Heilbrigðiseftirliti og að byggingarfulltrúi gerir ekki athugasemd við leyfisveitinguna.

Eftirfarandi tillaga lögð fram:
Bæjarráð í umboði bæjarstjórnar leggst ekki gegn veitingu leyfisins, en bendir á að þar sem opnunartími er umfram það sem almennt gildir samkvæmt lögreglusamþykkt ber að leita heimildar bæjarstjóra fyrir lengri opnunartíma sbr. 3. málsgr. 24. gr. lögreglusamþykktar.

6.Umsókn um rekstrarleyfi /Hótel Valaskjálf

201811076

Fyrir liggur ítrekuð umsagnarbeiðni frá Sýslumanninum á Austurlandi vegna umsóknar um rekstrarleyfi fyrir sölu gistingar í flokki IV í Valaskjálf. Umsækjandi er 701 Hótels ehf, Þráinn Lárusson.
Einnig er í athugasemd í umsókninni óskað eftir heimild til lengri opnunar fyrir vínveitingar, eða til 04:00 í sérstökum tilfellum.

Bæjarstjórn veitti jákvæða umsögn um hefðbundið rekstrarleyfi fyrir Valaskjálf á fundi sínum 5. des sl. en gaf ekki sérstaka umsögn um lengri opnunartíma.

Bæjarráð vekur athygli á 3. mgr. 24 gr. gildandi lögreglusamþykktar og bendir á að leita þarf heimildar í hvert skipti fyrir lengri opnunartíma en annars gildir.

7.Vinnumansal og kjör erlends starfsfólks

201812060

Bæjarráð samþykkir að taka innkaupareglur sveitarfélagsins til endurskoðunar með hliðsjón af erindi Sambands Ísl. sveitarfélaga.

8.Tilraunaverkefni um uppbyggingu íbúðarhúsnæðis á landsbyggðinni

201812059

Lagt var fram bréf frá Íbúalánasjóði vegna tilraunaverkefnis um uppbyggingu íbúðarhúsnæðis á landsbyggðinni, þar sem fram kemur að Fljótsdalshérað er ekki á meðal þeirra sveitarfélaga sem fyrst verða tekin inn í tilraunaverkefnið.

9.Húsnæðisáætlun fyrir Fljótsdalshérað

201804049

Farið yfir minnispunkta frá símafundi fulltrúa sveitarfélaga á Austurlandi og starfsmanna Austurbrúar, þar sem rætt var hvort ætti að láta gera sameiginlega húsnæðisáætlun fyrir Austurland eða mögulega aðgerðaáætlun sem byggði þá á fyrirliggjandi húsnæðisáætlunum allra þessara sveitarfélaga.

Málið er í vinnslu hjá Austurbrú.

10.Fjármál 2018

201801001

Björn Ingimarsson bæjarstjóri fór yfir nokkur mál sem varða rekstur og málefni sveitarfélagsins.

11.Viðbygging við Íþróttamiðstöðina á Egilsstöðum

201811081

Bæjarstjóri gerði grein fyrir framkomnu erindi frá Arkitektastofunni OG ehf, og svari sveitarfélagsins við því.

12.Fundargerð 247. fundar Hitaveitu Egilsstaða og Fella

201812075

Eftirfarandi tillaga lögð fram:
Bæjarráð staðfestir framlagða gjaldskrár HEF fyrir hitaveitu, vatnsveitu og fráveitu, eins og hún liggur fyrir fundinum.

Samþykkt samhljóða með handauppréttingu.

Fundargerðin lögð fram til kynningar að öðru leyti.

13.Ungmennaráð Fljótsdalshéraðs - 75

1812005F

Fundargerðin lögð fram:

13.1 201809098 Sameiginlegur fundur ungmennaráðs og bæjarstjórnar

Bókun fundar Sjá lið 5 í fundargerðinni.
13.2 201808169 Ungmennaþing 2019

Bókun fundar Fram kom á fundi ungmennaráðs að Ungmennaþing 2019 verður haldið 4. apríl á Egilsstöðum og að dagskrá þingsins er ennþá í vinnslu.

14.Ungmennaráð Fljótsdalshéraðs - 74

1812002F

Um var að ræða sameiginlegan fund ungmennaráðs og bæjarstjórnar sem haldinn var 5. desember sl.

Fundargerðin lögð fram.

14.1 201812004 Ungmennaráð - þróun

Bókun fundar Aron Steinn Halldórsson ræddi almennt um ungmennaráð og þróun þeirra. Breytingar hafa orðið á samþykktum ungmennaráðs Fljótsdalshéraðs á síðasta ári, en fulltrúar í ráðinu fá nú greitt fyrir fundasetu og sitja í ráðinu í tvö ár í stað eins. Ungmennaráðsmeðlimir telja breytingarnar auka fagmennsku og efla vinnu ráðsins og telja að ráðið muni eflast enn frekar í framtíðinni.

Eftirfarandi tillaga lögð fram:
Bæjarráð fagnar þróun ungmennaráðs undanfarin ár og telur ráðið vera mikilvægan hluta af stjórnkerfi sveitarfélagsins.
14.2 201812007 Áheyrnarfulltrúar ungmennaráðs

Bókun fundar Almar Aðalsteinsson bar upp erindið og ræddi mikilvægi þess að ungmennaráð eigi áheyrnarfulltrúa í fastanefndum sveitarfélagsins. Á fundinum var rætt um kosti þess og galla.

Eftirfarandi tillaga lögð fram:
Bæjarráð fagnar áhuga ungmennaráðs á málefnum sveitarfélagsins og hvetur nefndir Fljótsdalshéraðs til að vísa málum sem við eiga til ungmennaráðs til umsagnar.

Samþykkt samhljóða með handauppréttingu.
14.3 201812005 Samfella skóla og tómstundastarfs

Bókun fundar Á fundi ungmennaráðs bar Einar Freyr Guðmundsson upp erindið og velti upp hvort auka þurfi samfellu í skóla- og tómstundastarfi. Bundnar eru vonir við það að með uppbyggingu íþróttamannvirkja myndi aukinn sveigjanleika til að klára tómstundastarf yngri barna og ungmenna fyrr á daginn.

Eftirfarandi tillaga lögð fram:
Bæjarráð fagnar umfjöllun ungmennaráðs og áhuga þess á því að skoða fyrirkomulag annarra sveitarfélaga hvað þetta varðar.
14.4 201812006 Heimsmarkmið Sameinuðu þjóðanna

Bókun fundar Kristbjörg Mekkín Helgadóttir, sem er einnig fulltrúi í ungmennaráði Heimsmarkmiða Sameinuðu þjóðanna, bar upp erindið. Kristbjörg ræddi hvort og hvernig Fljótsdalshérað væri að vinna að Heimsmarkmiðunum. Fundarmenn sammála um mikilvægi þess að vinna markvisst með markmiðin

Eftirfarandi tillaga lögð fram:
Bæjarráð vísar til fyrri bókunnar um málið frá 10.12. þar sem ungmennaráði var m.a. falið að skoða hvernig heimsmarkmið S.Þ. falla að samþykktum sveitarfélagsins.

Samþykkt samhljóða með handauppréttingu.

15.Félagsmálanefnd - 169

1810025F

Fundargerðin lögð fram.

15.1 201810181 Verktakasamningar Félagsþjónustu Fljótsdalahéraðs 2019
15.2 201810135 Starfsáætlun Félagsþjónustu Fljótsdalshéraðs 2019

Bókun fundar Í vinnslu.
15.3 201806160 Aðalfundur SSA 2018

Bókun fundar Eftirfarandi tillaga lögð fram:
Bæjarráð tekur undir með félagsmálanefnd og beinir því til Velferðarráðuneytis að kostnaðarþátttaka barnaverndar og félagsþjónustu á landsbyggðinni verði endurskoðuð með byggðarsjónarmið og öryggi íbúa að leiðarljósi.

Samþykkt samhljóða með handauppréttingu.
15.4 201803113 Samstarfssamningur Fljótsdalshéraðs og Félags eldri borgara á Fljótsdalshéraði

Bókun fundar Í vinnslu.
15.5 201611048 Samþykkt fyrir sameiginlega félagsmálanefnd

Bókun fundar Í vinnslu.
15.6 201712031 Skýrsla Félagsmálastjóra

Bókun fundar Lagt fram.

16.Umhverfis- og framkvæmdanefnd - 103

1811021F

Fundargerðin lögð fram.

16.1 201807009 Vetrarþjónusta í dreifbýli.

Bókun fundar Í vinnslu.
16.2 201606027 Selskógur deiliskipulag

Bókun fundar Í vinnslu.
16.3 201811150 Ósk um breyting aðalskipulags, Geitdalsvirkjun

Bókun fundar Fyrir umhverfis- og framkvæmdanefnd lá erindi frá Artic Hydro þar sem óskað var eftir breytingu á aðalskipulagi Fljótsdalshéraðs vegna virkjunaráform í Geitdalsá.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarráð að hafin verði vinna við breytingu á aðalskipulagi Fljótsdalshéraðs vegna áforma um Geitdalsvirkjun.

Samþykkt samhljóða með handauppréttingu.
16.4 201702029 Breyting á deiliskipulagi Unalækjar

Bókun fundar Breyting á deiliskipulagi Unalækjar. Mál var áður á dagskrá umhverfis- og framkvæmdanefndar þann 28. nóvember sl. Þar fór skipulags- og byggingarfulltrúi yfir málið.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarráð breytingu á deiliskipulagi Unalækjar í samræmi við 2. mgr. 43. gr. laga nr.123/2010.

Samþykkt samhljóða með handauppréttingu.
16.5 201802076 Breyting á deiliskipulagi Flugvallar

Bókun fundar í vinnslu.
16.6 201401135 Miðbær Egilsstaða deiliskipulag 2016

Bókun fundar Í vinnslu.
16.7 201811158 Landsnet - Kerfisáætlun 2019 - 2028

Bókun fundar Lagt fram til kynningar.
16.8 201809019 Sparkvöllur á suðursvæði, Egilsstöðum.

Bókun fundar Í umhverfis- og framkvæmdanefnd var kostnaðar- og framkvæmdaáætlun vegna sparkvallar lögð fram til umræðu.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarráð að farið verði í uppbyggingu á upphituðum sparkvelli með lýsingu til að tryggja nýtingu allt árið.

Samþykkt samhljóða með handauppréttingu.

Hugmynd um skautasvell er áfram í vinnslu.
16.9 201812041 Umsókn um skráningu nýrra landeigna í fasteignaskrá úr landi Úlfstaða

Bókun fundar Fyrir liggur umsókn um stofnun nýrrar lóðar úr landi Úlfsstaða.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarráð stofnun lóðar og leggur til að veitt verði jákvæð umsögn um landskipti í samræmi við 13. gr. laga nr.81/2004 jarðalög.

Samþykkt samhljóða með handauppréttingu.
16.10 201812027 Umsókn um stofnun nýrrar lóðar úr landi Unaós - Heyskálar

Bókun fundar Í vinnslu.
16.11 201812026 Bílastæði við Miðgarð

Bókun fundar Afgreiðsla umhverfis- og framkvæmdanefndar staðfest.
16.12 201812020 Beiðni um snjómokstur - Hótel 1001 nótt, Álfaás Völlum

Bókun fundar Afgreiðsla umhverfis- og framkvæmdanefndar staðfest.
16.13 201811172 Könnun um nöfn á nýbýlum og breytingar á nöfnum býla

Bókun fundar Afgreiðsla umhverfis- og framkvæmdanefndar staðfest.
16.14 201812014 Malarnáma á Flötum neðan við Þuríðarstaði / Eftirlitsskýrlsla HAUST

Bókun fundar Lagt fram til kynningar.
16.15 201705107 Útikörfuboltavöllur á Egilsstöðum

Bókun fundar Lagt fram til kynningar.
16.16 201806085 Breyting á aðalskipulagi og nýtt deiliskipulag fyrir hluta Grundar á Efra Jökuldal

Bókun fundar Fyrir umhverfis- og framkvæmdanefnd lá verkefnislýsing fyrir tillögu að breyttu Aðalskipulagi Fljótsdalshéraðs 2008 - 2028

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarráð að verkefnislýsing verði afgreidd í samræmi við 30. gr. skipulagslaga nr. 123/2010 sem nánar er kveðið á um í gr 4.2.4, Kynning lýsingar í Skipulagsreglugerð nr.90/2013, svo sem hér segir:
"Að lokinni umfjöllun sveitarstjórnar um lýsinguna skal hún kynnt almenningi og send til umsagnar viðeigandi umsagnaraðila og Skipulagsstofnunar. Kynning fyrir almenningi skal vera með áberandi hætti, svo sem með birtingu auglýsingar um hana í víðlesnu dagblaði, með dreifibréfi eða á íbúafundi sem hefur verið auglýstur eftir því sem efni lýsingar gefur tilefni til. Lýsingin skal vera aðgengileg á vef sveitarfélagsins. Í kynningu skal koma fram hvert skila megi ábendingum við efni lýsingarinnar og innan hvaða tímafrests. Skipulagsstofnun skal senda sveitarstjórn ábendingar og athugasemdir um lýsinguna, ef hún telur ástæðu til, innan þriggja vikna frá því henni barst lýsingin. Skipulagsnefnd skal hafa hliðsjón af umsögnum og ábendingum sem henni berast við vinnslu tillögu að aðalskipulagi en ekki er skylt að svara þeim með formlegum hætti."

Samþykkt samhljóða með handauppréttingu.

17.Atvinnu- og menningarnefnd - 79

1812001F

Fundargerðin lögð fram.

17.1 201811157 Bókasafn Héraðsbúa, ársskýrsla 2017

Bókun fundar Fyrir liggur til kynningar Ársskýrsla Bókasafns Héraðsbúa fyrir 2017, unnin af forstöðumanni safnsins.

Eftirfarandi tillaga lögð fram:
Bæjarráð tekur undir með atvinnu- og menningarnefnd og þakkar fyrir greinargóða ársskýrslu.

Samþykkt samhljóða með handauppréttingu.
17.2 201812023 Greinargerð um starfsemi Menningarmiðstöðvar Fljótsdalshéraðs fyrir 2018

Bókun fundar Fyrir liggur greinargerð forstöðumanns Menningarmiðstöðvar Fljótsdalshéraðs um starfsemi miðstöðvarinnar fyrir líðandi ár og helstu áherslur næsta árs.

Eftirfarandi tillaga lögð fram:
Bæjarráð tekur undir með atvinnu- og menningarnefnd og þakkar fyrir ágæta greinargerð.

Samþykkt samhljóða með handauppréttingu.
17.3 201811080 Ormsteiti til framtíðar

Bókun fundar Málið í vinnslu.
17.4 201812022 Áfangastaðurinn Austurland, áfangastaðaáætlun (DMP skýrsla)

Bókun fundar Í vinnslu.
17.5 201811114 Áfangastaðurinn Austurland, úrbótaganga

Bókun fundar Fyrir liggur tölvupóstur, dagsettur 19. nóvember 2018, frá Maríu Hjálmarsdóttur f.h. Austurbrúar, þar sem óskað er eftir samstarfi við sveitarfélagið um s.k. úrbótagöngu sem er hluti af verkefninu Áfangastaðurinn Austurland og miðar að því að þróa staði og áfangastaði þannig að þeir hafi meira aðdráttarafl.

Eftirfarandi tillaga lögð fram:
Bæjarráð tekur undir með atvinnu- og menningarnefnd og líst vel á verkefnið og samþykkir að það verði jafnframt tekið til umræðu og afgreiðslu í umhverfis- og framkvæmdanefnd og í ungmennaráði.

Samþykkt samhljóða með handauppréttingu.
17.6 201812029 -Súpufundir- atvinnu- og menningarnefndar

Bókun fundar Í vinnslu.
17.7 201812046 Gróðrastöðin Barri ehf, gjaldþrotaskipti

Bókun fundar Fyrir liggur tölvupóstur dagsettur 10. desember 2018, frá framkvæmdastjóra Gróðrarstöðvarinnar Barra ehf, ásamt fundargerðum stjórnar frá 4. og 5. desember 2018, þar sem m.a. kemur fram að óskað verði eftir að gróðrarstöðin verði tekin til gjaldþrotaskipta.

Eftirfarandi tillaga lögð fram.
Bæjarráð tekur undir með atvinnu- og menningarnefnd og harmar að til þessa hafi þurft að koma.

Samþykkt samhljóða með handauppréttingu.

Liður nr. 4.1 í fundargerð félagsmálanefndar birtist ekki með hefðbundnum hætti í fundargerð bæjarráðs.
Bæjarráð staðfestir afgreiðslu félagsmálanefndar undir þessum lið.

Bæjarráð Fjarðabyggðar kom til fundar með bæjarráði Fljótsdalshéraðs kl. 11:00.

Fundi slitið - kl. 11:00.