Bæjarráð Fljótsdalshéraðs

Farið yfir fundarplan bæjarstjórnar það sem eftir er ársins og eins fyrir árið 2019. Tillaga um fundardaga verður lögð fyrir bæjarstjórn.
Einnig fór Björn yfir fundi sem hann átti í Reykjavík fyrir síðustu helgi, bæði með fulltrúum Landsvirkjunar og hönnuði sem er að hanna viðbyggingu við Hádegishöfða.

Fram kom að kynningarfundur vegna fjárhagsáætlunar verður haldinn í Hlymsdölum fimmtudaginn 15. nóv. kl. 17:30.
Að öðru leyti er fjárhagsáætlunin í vinnslu fyrir aðra umræðu í bæjarstjórn.

Fundargerðin lögð fram til kynningar.

Bæjarráð samþykkir að Óðinn Gunnar Óðinsson fari með umboð og atkvæði á aðalfundi Héraðsskjalasafns Austfirðinga 2018. Varamaður hans verði Helgi Hjálmar Bragason.

Lagt fram fundarboð á aðalfund Skólaskrifstofunnar 23. nóv. nk, ásamt fylgigögnum. Bæjarráð samþykkir að Björn Ingimarsson fari með umboð og atkvæði Fljótsdalshéraðs á fundinum. Varamaður verði Stefán Bragason.

Farið yfir nýjar tillöguteikningar vegna nýtingar húsnæðisins að Miðvangi 31.
Málið áfram í vinnslu.

Farið yfir fyrirliggjandi drög að endurskoðaðri reglugerð um Jöfnunarsjóð sveitarfélaga.
Bæjarráð felur bæjarstjóra að taka saman umsögn um drögin og senda í samráðsgátt Stjórnarráðsins.

Farið yfir mögulegar leiðir til endurskoðunar aðalskipulags. Málið er áfram í vinnslu.

Bæjarráð samþykkir að vísa erindinu til atvinnu- og menningarnefndar til afgreiðslu.

Fljótsdalshérað tekur heils hugar undir mikilvægi þess að skipaður verði starfshópur til að meta stöðu náttúrustofa og efla starfsemi þeirra.
Jafnframt er lögð áhersla á það að slíkur starfshópur hafi samráð við sveitarfélög sem að náttúrustofum standa, við gerð sinna tillagna.

Lagt fram til kynningar.