Bæjarráð Fljótsdalshéraðs

Björn Ingimarsson bæjarstjóri fór yfir fundi sem hann átti nýlga í Reykjavík, m.a. í fjármálaráðuneytinu varðandi ríkisjarðir. Einnig fór hann yfir drög að dagskrá vegna komu forseta Íslands 12. og 13. september, en hún er í mótun.

Guðlaugur Sæbjörnsson fjármálastjóri kynnti drög að viðauka 5 við fjárhagsáætlun 2018, vegna 25 milljón kr. hækkunar launaliða á 0254 og 0255 út af launaleiðréttingu. Gert er ráð fyrir að fjármögnun verði mætt með hækkun framlaga vegna málaflokks fatlaðra.

Sundurliðun:
02-50 hækkun tekna um 25 milljónir
02-54 hækkun launaliða 7,5 milljónir
02-55 hækkun launaliða 17,5 milljónir.

Tilfærsla áður samþykktrar áætlunar.
02-50 lækkun tekna 67,2 milljónir.
0010-0143 hækkun tekna 67,2 milljónir.

Viðaukinn samþykktur samhljóða.

Fundargerðin lögð fram til kynningar.

Farið yfir málefnatillögur Fljótsdalshéraðs sem óskað er eftir að fái umfjöllun á fundinum.

Lagðar fram árbækur Ferðafélags Íslands um Fljótsdalshéraðs, sem höfundur þeirra Hjörleifur Guttormsson sendi sveitarfélaginu að gjöf.
Bæjarráð þakkar Hjörleifi fyrir bækurnar og ekki síður þá miklu vinnu sem hann hefur í gegnum tíðina lagt í, við að safna saman og gefa út fróðleik um náttúru og sögu Fljótsdalshéraðs og Austurlands.

Bæjarráð samþykkir að vísa erindinu til atvinnu- og menningarnefndar til afgreiðslu.

Farið yfir stöðu mála varðandi fyrirhugaða lagningu ljósleiðara um Eiðaþinghá á árinu 2018. Einnig rædd staða verkefnisins í heild. Samþykkt að óska eftir því að framkvæmdastjóri HEF komi á næsta fund bæjarráðs, til að ræða þær gagnatengingar og tengimöguleika sem HEF ræður yfir í dag.