Bæjarráð Fljótsdalshéraðs

Guðlaugur Sæbjörnsson fjármálastjóri fór yfir nokkur mál sem varða rekstur sveitarfélagsins.
Farið yfir heimildir til bæjarstjóra til að veita prókúru vegna frágangs samninga og fl.
Einnig kynnti bæjarstjóri fundarboð vegna heimsóknar ráðgjafanefndar Jöfnunarsjóðs til Austurlands 23. - 25. apríl.

Guðlaugur Sæbjörnsson fjármálastjóri kynnti vinnu við gerð rammaáætlunar sem nú er í gangi. Einhverjar nefndir eru þegar búnar að skila sínum hugmyndum, en aðrar eru að vinna sínar tillögur. Hugmyndin er að bæjarstjórn geti afgreitt rammaáætlunina á síðari fundi sínum í maí.

Farið yfir niðurstöður fræðslunefndar vegna áforma um viðbyggingu við leikskólann á Hádegishöfða.

Lagt fram til kynningar.

Bæjarstóri sagði frá síðasta fundi Almannavarnanefndar og þeim málum sem þar voru rædd.
Bæjarráð styður fyrirhugaða sameiningu almannavarnanefnda á Austurlandi.

Bæjarstjóri fór yfir málefni fundarins, bæði hvað varðar brunavarnir og sjúkraflutininga á svæðinu.
Fundargerðin að öðru leyti lögð fram til kynningar.

Fundargerð síðasta fundar starfshópsins lögð fram, en að öðru leyti er vísað til bókunar bæjarráðs frá síðasta fundi þess um málið.

Lögð fram drög að húsnæðisáætlun Fjótsdalshéraðs fyrir næstu 8 ár.
Bæjarráð samþykkir að fresta afgreiðslu hennar til næsta fundar.

Lagt fram bréf frá Lánasjóði sveitarfélaga varðandi arðgreiðslu ársins 2017, sem nam kr. 6.157.560 kr. Frá þessari tölu dregst síðan 20% fjármagnstekjuskattur.

Lagt fram bréf frá Guðna Nikulássyni, varðandi örnefnaskráningu í sveitarfélaginu og nauðsyn þess að skrá og varðveita slík örnefni, meðan þau eru enn í minni manna.
Bæjarráð samþykkir að vísa erindinu til verkefnisstjóra umhverfismála til skoðunar og tillögugerðar. Óskað er eftir að tillögur liggi fyrir á fundi bæjarráðs 7. maí.