Bæjarráð Fljótsdalshéraðs

Guðlaugur Sæbjörnsson fjármálastjóri fór yfir nokkra liði sem varða rekstur og fjármál sveitarfélagsins.

Farið yfir stöðu mála varðandi lífeyrisskuldbindingar SKAL.

Guðlaugur Sæbjörnsson kynnti áætlun sem atvinnu- og menningarnefnd hefur afgreitt og sent til fjármálastjóra. Áætluninni vísað til vinnu við fjárhagsáætlunar 2018.

Skoðuð starfsáætlun ársins 2017 fyrir málaflokk 21 og ræddar breytingar fyrir næsta ár, en gert er ráð fyrir að afgreiða starfsáætlunina samhliða fjárhagsáætlun. Bæjarráð vinnur málið áfram fyrir næstu fundi.

Fundargerðin lögð fram til kynningar.

Fundargerðin lögð fram til kynningar.

Bæjarráð felur bæjarstjóra að vinna málið áfram í samstarfi við bæjarstjóra Fjarðabyggðar.

Bæjarstjóra falið, fh. Fljótsdalshéraðs, að sækja húsnæðisþingið sem halda á 8. nóvember í Reykjavík.

Bæjarráð samþykkir að félagsmálastjóri ráði starfsmann í afleysingar í samráði við bæjarstjóra. Gert er ráð fyrir að kostnaður vegna þessa rúmist innan fjárheimilda ársins.

Bæjarráð samþykkir að fela formanni bæjarráðs að setja þingið fyrir hönd sveitarfélagsins, en það verður formlega sett í Egilsstaðaskóla föstudaginn 6. október kl. 19:00.
Bæjarfulltrúar eru jafnframt hvattir til að mæta á landsþing ungs fólks, sem haldið verður sunnudaginn 8. okt. kl. 10:00 í Egilsstaðaskóla.

Bæjarráð samþykkir að tilnefna tvo varamenn á næsta fundi sínum, en þriðji varafulltrúinn er tilnefndur af Fljótsdalshreppi.
Jafnframt óskar bæjarráð eftir því að formaður stjórnar svæðisráðs Vatnajökulsþjóðgarðs á austursvæði, Ruth Magnúsdóttir, komi á næsta fund bæjarráðs til að fara yfir mál þjóðgarðsins.

Bæjarráð fagnar þeim orðum samgöngu- og sveitarstjórnarráðherra á aðalfundi SSA að á næsta ári verði farið í uppbyggingu þjóðvegarins í botni Skriðdals. Einnig því að hann sagði heilsársveg um Öxi forgangsverkefni í vegamálum á Austurlandi. Bæjarráð óskar eftir formlegri staðfestingu ráðuneytis og Vegagerðar varðandi framangreindar framkvæmdir.

Jafnframt kallar bæjarráð eftir skýrslu Vegagerðar sem liggur til grundvallar ákvörðunar ráðherra um staðsetningu þjóðvegar 1 um firði.