Bæjarráð Fljótsdalshéraðs

390. fundur 26. júní 2017 kl. 09:00 - 11:00 í fundarsal bæjarstjórnar

Nefndarmenn

Gunnar Jónsson formaður
Anna Alexandersdóttir áheyrnarfulltrúi
Sigrún Blöndal varaformaður
Páll Sigvaldason 2. varamaður
Björn Ingimarsson bæjarstjóri
Stefán Snædal Bragason skrifstofu- og starfsmannastjóri

Fundargerð ritaði: Stefán Bragason skrifstofustjóri

Á þessum fundi fór bæjarráð með fullnaðarafgreiðsluumboð mála, skv. samþykkt bæjarstjórnar frá 7. júní sl.

1.Fjármál 2017

201701003

Guðlaugur Sæbjörnsson fjármálastjóri sat fundinn undir þessum lið og fór yfir mál tengd rekstri sveitarfélagsins og ræddi uppfærslu á núverandi bókhaldskerfi þess.
Bæjarráð samþykkir að fela fjármálastjóra að undirbúa uppfærslu á bókhaldskerfinu, miðað við að sú vinna fari fram á komandi hausti.

Einnig sagði Björn Ingimarsson bæjarstjóri frá fundum sem hann hefur átt og viðræðum þar um ýmis mál.

2.Umhverfis- og framkvæmdanefnd - 72

1706015F

Fundargerðin lögð fram:

2.1 201706064 Bekkir víðs vegar um Egilsstaði

Bókun fundar Eftirfarandi tillaga lögð fram:
Bæjarráð samþykkir að vísa erindinu til gerðar fjárhagsáætlunar 2018

Samþykkt samhljóða með handauppréttingu.
2.2 201706073 Beiðni um lokun á göngustígum vegna unglingalandsmóts um verslunarmannahelgina

Bókun fundar Afgreiðsla umhverfis- og framkvæmdanefndar staðfest.
2.3 201706078 Eftirlitsskýrsla vegna kvörtunar/sala gistingar

Bókun fundar Afrit af eftirlitsskýrslu HAUST lögð fram til kynningar. Málið er nú í ferli hjá HAUST. Bæjarráð tekur undir með umhverfis- og framkvæmdanefnd og bendir á að sýslumannsembættið er leyfisveitandi.
Bæjarráð beinir því til sýslumannsembættisins, að bregðast við ábendingum og upplýsingum um brot á reglum um heimagistingu.
2.4 201706094 Davíðsstaðir - aðalskipulagsbreyting

Bókun fundar Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarráð lýsinguna. Vakin er athygli á niðurstöðu um matsskyldu í kafla 5.1.
Skipulags- og byggingarfulltrúa falið að vinna málið áfram, fh. sveitarfélagsins.

Samþykkt samhljóða með handauppréttingu.
2.5 201704059 Uppsalir/Hleinar - Breyting á landnotkun í aðalskipulagi

Bókun fundar Eftirfarandi tillaga lögð fram:
Að tillögur umhverfis- og framkvæmdanefndar samþykkir bæjarráð breytinguna og rökstuðning sem þar kemur fram um málsmeðferð í samræmi við 2. mgr. 36. gr. skipulagslaga. Bæjarráð mælir með því að breytingin verði send Skipulagsstofnun áður en hún er auglýst og felur skipulags- og byggingarfulltrúa að annast það.

Samþykkt samhljóða með handauppréttingum.
2.6 201705157 Samningur um þátttöku í skógrækt/Reynihagi

Bókun fundar Afgreiðsla umhverfis- og framkvæmdanefndar staðfest.
2.7 201706089 Beiðni um umsögn vegna umsóknar um lögbýlisrétt/Uppsalir 6

Bókun fundar Eftirfarandi tillaga lögð fram:
Að tillögu umhverfis- og framkvæmdanefndar, sem veitir jákvæða umsögn, samþykkir bæjarráð erindið.
2.8 201706086 Beiðni um umsögn vegna umsóknar um lögbýlisrétt/Uppsalir 7

Bókun fundar Eftirfarandi tillaga lögð fram:
Að tillögu umhverfis- og framkvæmdanefndar, sem veitir jákvæða umsögn, samþykkir bæjarráð erindið.
2.9 201706088 Beiðni um umsögn vegna umsóknar um lögbýlisrétt/Uppsalir 8

Bókun fundar Eftirfarandi tillaga lögð fram:
Að tillögu umhverfis- og framkvæmdanefndar, sem veitir jákvæða umsögn, samþykkir bæjarráð erindið.

Samþykkt samhljóða með handauppréttingu.
2.10 201706087 Beiðni um umsögn vegna umsóknar um lögbýlisrétt/Uppsalir 9

Bókun fundar Eftirfarandi tillaga lögð fram:
Að tillögu umhverfis- og framkvæmdanefndar, sem veitir jákvæða umsögn, samþykkir bæjarráð erindið.

Samþykkt samhljóða með handauppréttingu.
2.11 201706100 Lagarfell 3 - ósk eftir breytingu á aðalskipulagi

Bókun fundar Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarráð erindið og felur skipulags- og byggingarfulltrúa það til úrlausnar.

Samþykkt samhljóða með handauppréttingu.

3.Félagsmálanefnd - 155

1706014F

Afgreiðsla félagsmálanefndar staðfest.

Fundargerðin lögð fram:

4.Náttúruverndarnefnd - 7

1706013F

Fundargerðin lögð fram.

4.1 201706032 Ástand friðlýstra svæða 2016

Bókun fundar Eftirfarandi tillaga lögð fram:
Bæjarráð tekur undir með náttúruverndarnefnd og gagnrýnir þann stutta frest sem gefinn var til umsagna, en telur mikilvægt að reynt verði að finna leiðir til að hefta landbrot, sandfok og uppblástur og að stjórnar- og verndaráætlun fyrir svæðið verði kláruð. Jafnframt er tekið undir það álit Umhverfisstofnunar að mikilvægt sé að auka og bæta heilsársumsjón með friðlýstum svæðum á Austurlandi.

Samþykkt samhljóða með handauppréttingu.
4.2 201611003 Beiðni um skiptingu lands og breytingu á landnotkun/Ketilsstaðir 1 og 2

Bókun fundar Eftirfarandi tillaga lögð fram:
Bæjarráð vísar í bókun bæjarstjórnar frá 21. júní sl. um málið
Samþykkt samhljóða með handauppréttingu.
4.3 201705045 Aðalfundur SSA 2017

Bókun fundar Í vinnslu.

5.Fundargerðir framkvæmdastjórnar Skólaskrifstofu Austurlands 2017

201706098

Fundargerðin lögð fram til kynningar.

6.Sameiginleg húsnæðisáætlun fyrir Austurland

201706076

Í vinnslu.

7.Fasteignafélag Iðavalla 2017

201701153

Fundargerðin lögð fram til kynningar.

8.Eftirlitsskýrsla vegna kvörtunar/sala gistingar

201706078

Afgreitt undir lið 2.3 í þessari fundargerð.

9.Þjóðvegur 1 í Skriðdal og vegur um Öxi.

201602103

Bæjarráð Fljótsdalshéraðs leggur áherslu á mikilvægi þess að ráðist verði sem fyrst í framkvæmdir við þjóðveg 1 í Skriðdal og heilsársveg um Öxi.

Áður hefur verið vakin athygli á þeim samgöngubótum sem því fylgir fyrir fjórðunginn, en sveitarfélögin beggja megin Axar tilheyra sama þjónustusvæði hvað varðar félagsþjónustu, málefni fatlaðra og brunavarnir. Greiðar samgöngur um Axarveg eru því mikilvægar og til hagsbóta fyrir allt Austurland, auk þess sem slíkt styttir akstursleiðina frá Reykjavík til Mið-Austurlands um 71 kílómetra með tilheyrandi sparnaði á tíma og kostnaði, að ekki sé minnst á öryggisþáttinn.
Þrátt fyrir bágborið ástand vegarins í dag er ljóst að stór hluti ferðalanga velja þessa vegtengingu umfram aðra valkosti.

Þess er því vænst, að líkt og í öðrum landshlutum, verði lausnir er leiða til hagkvæmni og styttingar leiða innan sem og á milli landshluta hafðar að leiðarljósi við stefnumarkandi ákvarðanatöku stjórnvalda varðandi framtíðar vegtengingar er snúa að Austurlandi.

Fundi slitið - kl. 11:00.