Bæjarráð Fljótsdalshéraðs

Guðlaugur Sæbjörnsson fjármálastjóri fór yfir nokkur mál tengd rekstri sveitarfélagsins og uppgjöri ársins 2016.
Einnig fór Björn bæjarstjóri yfir áætlun varðandi unglingalandsmótið sem halda á um Verslunarmannahelgina hér á Fljótsdalshéraði.

Fjármálastjóri lagði fram viðauka nr. 3, sem er vegna niðurstöðu í kjarasamningum tónlistarkennara og sveitarfélaga.

Hækkun launaliða um 12.380.000 færist á tónlistarskólana samkvæmt sundurliðun í viðauka.

Hækkun tekna Jöfnunarsjóðs (útgjaldajöfnunarframlag) um 12.380.000.

Guðlaugur Sæbjörnsson fjármálastjóri fór yfir verkplan varðandi gerð fjárhags- og starfsáætlana fyrir 2018.
Verklagið verðu kynnt fyrir stjórnendum á næsta forstöðumannafundi.

Fundargerð 19. fundar, frá 23. febrúar lögð fram til kynningar.
Einnig lagðar fram og kynntar endurskoðaðar samþykktir fyrir Ársali, dags. 23.02. 2017 og samþykkti bæjarráð þær fyrir sitt leyti.

Fundargerðin lögð fram til kynningar.

Kynntar tillögur frá fræðslunefnd vegna innritunar í leikskóla 2017.

Bæjarráð lýsir yfir eindregnum vilja til að fjölga dagvistarplássum í sveitarfélaginu og leysa þann vanda sem fyrirsjáanlegur er varðandi vistun barna.
Samþykkt að óska eftir frekari upplýsingum frá fræðslunefnd í samræmi við umræður á fundinum og bæjarstjóra falið að fylgja málinu eftir.

Frestað til næsta fundar.

Bæjarráð samþykkir að vísa erindinu til Hitaveitu Egilsstaða og Fella, sem fer með fráveitumál sveitarfélagsins.

Lögð fram frumdrög að starfsáætlun bæjarráðs vegna málaflokks 21, Sameiginlegur kostnaður.
Búið er að uppfæra allar kostnaðartölur í skjalinu miðað við uppgjör síðasta árs og fjárhagsáætlun 2017. Einnig búið að gera tillögur að texta.

Samþykkt að fresta liðnum til næsta fundar bæjarráðs.

Lögð fram drög að samningi við Landlæknisembættið um heilsueflandi samfélag.

Bæjarráð samþykkir að veita bæjarstjóra umboð til að undirrita samninginn.

Lögð fram beiðni Sýslumanns Austurlands um umsögn vegna umsóknar um tækifærisleyfi vegna dansleiks í kjölfar söngvakeppni ME, sem haldin verður í Valaskjálf 24. mars. Um er að ræða lokað einkasamkvæmi.

Fyrir liggur að Heilbrigðiseftirlitið gefur jákvæða umsögn.

Bæjarráð veitir jákvæða umsögn um tækifærisleyfið eins og það liggur fyrir.
Bæjarstjórn staðfestir jafnframt að afgreiðslutími og staðsetninga staðar sem umsókn lýtur að, sé innan þeirra marka sem reglur og skipulag sveitarfélagsins segir til um.