Bæjarráð Fljótsdalshéraðs

Björn Ingimarsson bæjarstjóri og Guðlaugur Sæbjörnsson fjármálastjóri fóru yfir nokkur atriði úr rekstri sveitarfélagsins á árinu.

Lögð fram tillaga að fjárhagsáætlun 2017 og þriggja ára áætlun 2018 - 2020, eins og hún lítur nú út eftir þær breytingar sem samþykktar voru á síðasta fundi bæjarráðs.

Bæjarráð samþykkir áætlunina og vísar henni þannig til síðari umræðu í bæjarstjórn.

Bæjarráð samþykkir að leggja til við bæjarstjórn að eftirfarandi álagningarprósentur og viðmiðunartölur verði samþykktar fyrir árið 2017.

Álagningarhlutfall útsvars verði óbreytt, eða 14,52%
Fasteignaskattur verði óbreyttur, eða sem hér segir:
A flokkur 0,5%
B flokkur 1,32%
C flokkur 1,65%

Lóðarleiga verði óbreytt á eignarlóðum Fljótsdalshéraðs, eða 0,75%

Afsláttur á fasteignaskatti til tekjulágra elli- og örorkulífeyrisþega verði sem hér segir:

Hámark afsláttar verið: 68.400
Viðmiðunartölur tekna hjá einstaklingi verði:
Lágmark 2.647.000
Hámark 3.474.000
Viðmiðunartölur tekna hjá hjónum verði:
Lágmark 3.723.000
Hámark 4.717.000

Lagður fram viðauki 5 við fjárhagsáætlun 2016.

Eftirfarandi tillaga lögð fram.
Bæjarráð samþykkir að hækka framlag til Brunavarna á Héraði v. kaupa á slökkvibíl um krónur 1.769.000 sem færist á lið 07210. Þessum útgjöldum verður mætt með hækkun skatttekna um sömu upphæð sem færist á 00010.

Lagðar fram fundargerðir frá aðalfundi Skólaskrifstofu Austurlands 4. nóvember og fundargerð stjórnarfundar frá sama degi, ásamt ársskýrslu 2015-2016.

Fundargerð 16. fundar frá 10. nóvember 2016 lögð fram til kynningar.

Lagðar fram ályktanir frá aðalfundi SSA 2016, sem snerta starfssvið bæjarráðs.

Með hliðsjón af fyrirliggjandi gögnum samþykkir bæjarráð að fela bæjarstjóra að láta útbúa drög að reglum um stofnframlög fyrir Fljótsdalshérað, sem síðan verða lagðar fyrir bæjarráð.
Einnig að skoað verði frekar með kortlagningu á þörf á leiguhúsnæði í sveitarfélaginu.

Lagt fram til kynningar.

Lögð fram drög að samningi við UMFÍ, vegna unglingalandsmóts sem haldið verður á Egilsstöðum um verslunarmannahelgina 2017.

Bæjarráð samþykkir fyrirliggjandi drög og felur bæjarstjóra að undirrita þau fyrir hönd sveitarfélagsins.

Samþykkt að fresta málinu til næsta fundar bæjarráðs.

Lagt fram erindi frá Austurbrú varðandi fjármögnun verkefnis um orkuskipti á Austurlandi.

Bæjarráð samþykkir að Fljótsdalshérað taki þátt í viðræðum um fjármögnun eða aðra aðkomu að verkefni um orkuskipti á Austurlandi og felur bæjarstjóra að vera tengiliður við verkefnið.