Bæjarráð Fljótsdalshéraðs

Guðlaugur Sæbjörnsson fjármálastjóri kynnti nokkrar tölur úr rekstri sveitarfélagsins og fór yfir ýmis mál því tengd.
Einnig farið yfir ýmis mál frá fjármálaráðstefnu sveitarfélaga, sem haldin var í lok síðustu viku.

Fundargerðin lögð fram til kynningar.

Lögð fram kynning Erlu Bjarkar Þorgeirsdóttur verkefnastjóra hjá Orkustofnun um virkjanakosti á Austurlandi.
Bæjarráð samþykkir að óska eftir að Erla komi til fundar við fulltrúa sveitarfélagsins, til að kynna verkefnið og felur bæjarstjóra að koma þeim fundi á.

Lagt fram bréf frá Minjastofnun Íslands, dagsett 15. september 2016 þar sem tilkynnt er um friðlýsingu Handverks- og hússtjórnarskólans á Hallormsstað. Friðlýsingin nær til ytra borðs skólahússins, ásamt upprunalegum innréttinum í vefstofu, skrifstofu skólastjóra, anddyri og svokallaðrri Höll. Undanþegnar friðlýsingu eru seinni tíma viðbyggingar og múrklæðning á útveggjum.
Bæjarráð fagnar ákvörðun um friðlýsingu þessarar merkilegu byggingar.

Kynnt bréf frá verkefnisstjóra Austurbrúar varðandi uppbyggingu innviða fyrir rafbíla á Austurlandi.

Bæjarráð samþykkir að svara lið 1 játandi.

Vegna liðar 2 lítur bæjarráð verkefnið mjög jákvæðum augun, en er ekki ekki reiðubúið að skuldbinda sig til greiðslu fjármuna að svo komnu máli, en óskar eindregið eftir að fá að fylgjast með framgangi verkefnisins og taka ákvarðanir á síðari stigum.

Vegna liðar 3 er vísað til afgreiðsu umhverfis- og framkvæmdanefndar frá 54. fundi hennar.