Bæjarráð Fljótsdalshéraðs

Björn Ingimarsson bæjarstjóri fór yfir ýmis mál sem tengjast fjármálum sveitarfélagsins og atvinnumálum á svæðinu.

Fundargerðin lögð fram til kynningar.

Fundargerð 25. fundar Samtaka orkusveitarfélaga, frá 5. september 2016 lögð fram til kynningar.

Lagður fram endurskoðaður ársreikningur Sambandsins fyrir árið 2015 og fjárhagsáætlun fyrir árin 2016-2018.

Lagður fram tölvupóstur frá Sambandi íslenskra sveitarfélaga, dagsettur 13. september 2016 með upplýsingum um utankjörfundaratkvæðagreiðslu vegna fyrirhugaðra alþingiskosninga haustið 2016.
Þar er þess farið á leit við þau sveitarfélög, sem buðu upp á aukið aðgengi að utankjörfundaratkvæðagreiðslu fyrir forsetakosningarnar sl. vor, að þau geri það líka fyrir komandi alþingiskosningar.

Bæjarráð telur að utankjörfundaratkvæðagreiðslan sem starfsmenn bókasafnsins sáu um sl. vor, hafi tekist vel og mælst vel fyrir. Bæjarráð óskar því eftir að sama fyrirkomulag verði haft við komandi alþingiskosningar.

Lagt fram erindi frá Íbúðalánasjóði varðandi framkvæmd laga um almennar íbúðir og umsóknareyðublað um stofnframlag til leiguíbúða.

Farið yfir málið og ákveðið að skoða það betur eftir að hafa fengið frekari kynningu á því á fjármálaráðsefnu sveitarfélaga í þessari viku.