Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór m.a. yfir staðgreiðsluskil ársins og bar saman við fjárhagsáætlun.

Fram kom að arðgreiðsla Fljótsdalshéraðs frá Lánasjóði sveitarfélaga árið 2016 var kr 8.300.010, fyrir fjármagnstekjuskatt, sem er heldur umfram fjárhagsáætlun ársins.

Guðlaugur fór yfir drög að viðauka við fjárhagsáætlun ársins 2016, sem hann hefur verið að taka saman, sbr. fyrri bókanir úr bæjarráði og bæjarstjórn.
Viðaukar verða lagir fyrir næsta fund bæjarráðs.

Guðlaugur kynnti ýmis vinnugögn sín vegna undirbúningsvinnu við gerð fjárhagsáætlunar ársins 2017 og svo þriggja ára áætlunar 2018 - 2020.
Hann mun áfram vinna að gerð rammaáætlunar og leggja hana fyrir bæjarráð, áður en rammanum verður vísað út til stofnanna og nefnda til vinnslu.

Vegna liðar 1 a í fundargerðinni, breyting á 9. gr. í samþykktum um fráveitur í þéttbýlisstöðum sveitarfélagsins.

Bæjarráð samþykkir að vísa breytingunni til fyrri umræðu í bæjarstjórn, þar sem málið verður sett upp sem sérstakur dagskrárliður.

Bæjarráð samþykkir að fela bæjarstjóra að gera drög að kaupsamningi um íbúðarhúsið í Hólshjáleigu, ásamt sambyggðu útihúsi, og viðauka við gildandi leigusamning við þriðja aðila, vegna þess hluta húsnæðisins sem í dag er í útleigu.
Jafnframt verði byggingarfulltrúa falið að gera drög að lóðaleigusamningi.

Kynnt ýmis gögn og drög að samningum td. við Fjarskiptasjóð, vegna fyrirhugaðrar lagningu ljósleiðara á þessu ári frá Lagarfossvirkjun og að Brúarási og tengingu nokkurra bæja á þeirri leið.
Bæjarráð samþykkir að veita bæjarstjóra umboð til að undirrita samninga þar að lútandi. Staðfestir samningar verða kynntir bæjarráði þegar þeir liggja fyrir.

Lögð fram fundarboð vegna ársfundar Sjálfbærniverkefnis Alcoa Fjarðaáls og Landsvirkjunar á Austurlandi, sem boðaður hefur verið í Valaskjálf 3. maí nk. kl. 14:00 til 18:00.