Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir nokkra þætti í rekstri sveitarfélagsins á líðandi ári.

Rætt um þróun og kostnað í tölvumálum undanfarin ár og ákveðið að taka þau mál betur fyrir undir liðnum fjármálum á næsta fundi.
Einnig rætt um fyrirkomulag á geymslu upptaka frá fundum bæjarstjórnar, frá því núverandi útsendingarkerfi var tekið upp.

Gunnar Jónsson vék af fundi við umræðu og afgreiðslu þessa liðar.

Fundargerðin lögð fram til kynningar.

Umfjöllun frestað til næsta fundar.

Starfsáætlun bæjarráðs var til umræðu og framsetning á kynningu hennar fyrir bæjarstjórn.

Bæjarráð samþykkir drög að starfsáætlun málaflokks 21, eins og hún var lögð fram.

Þar sem engin göng lágu fyrir var málinu frestað.

Bæjarráð samþykkir að óska eftir því að skipulags og byggingarfulltrúi og formaður umhverfis- og framkvæmdanefndar komi á næsta fund bæjarráðs og geri betur grein fyrir málinu og þeim gögnum sem fyrir liggja.

Lagt fram til kynningar fundarboð frá Austurbrú vegna Sjálfbærniverkefnis Alcoa Fjarðaáls og Landsvirkjunar. Fundurinn er boðaður á sama tíma og fundur bæjarstjórnar þann 6. maí nk. en starfsmenn sveitarfélagsins munu sitja fundinn.

Lagður fram tölvupóstur frá nefndarsviði Alþingis, dags. 30. apríl 2015, umsagnarbeiðni um frumvarp til laga um breytingu á húsaleigulögum.

Bæjarráð gerir ekki athugasemd við frumvarpið á þessu stigi.

Lagt fram bréf frá Umhverfis- og auðlindaráðuneytinu, dags. 28. apríl 2015 með beiðni um að Fljótsdalshérað og Fljótsdalshreppur tilnefni sameiginlega þrjá fulltrúa í svæðisráð Vatnajökulsþjóðgarðs, rekstrarsvæði 2.

Hefðbundin skipan mála er sú að Fljótsdalshérað tilnefnir 2 fulltrúa og Fljótsdalshreppur 1.
Bæjarráð leggur til við bæjarstjórn að Ruth Magnúsdóttir, Björn Ármann Ólafsson verði fulltrúar Fljótsdalshéraðs og að haft verði samband við Fljótsdalshrepp um tilnefningu á fulltrúa þeirra í svæðisráði Vatnajökulsþjóðgarðs á rekstrarsvæði 2.

Lagt fram kynningarefni frá Sjávarútvegsskóla Austurlands ásamt erindi frá skólanum.

Bæjarráð er allmennt fylgjandi því að ungmenni hafi tækifæri til að kynnast grunnatvinnuvegum þjóðarinnar. Málinu vísað til verkstjóra vinnuskólans til nánari skoðunar og niðurstaðan verði svo kynnt fyrir umhverfis- og framkvæmdanefnd, sem afgreiði málið endanlega.