Bæjarráð Fljótsdalshéraðs

Björn Ingimarsson bæjarstjóri fór yfir kostnaðaráætlanir yfir endurnýjun á gólfefni í íþróttahúsið á Egilsstöðum og gryfju vegna fimleika.
Málið er áfram í vinnslu.

Fundargerð Almannavarnarnefndar Múlaþings frá 15. júní 2015, lögð fram til kynningar.

Lögð fram til kynningar, fundargerð 39. fundar stjórnar Brunavarna á Austurlandi frá 15. júní 2015.

Lögð fram uppfærð drög að samningi.

Bæjarráð staðfestir samninginn og felur bæjarstjóra að undirrita hann fyrir hönd sveitarfélagsins. Bæjarráð telur þó að ýmis atriði í honum þarfnist yfirferðar og endurskoðunar svo sem, skipan úthlutunarnefndar, fjármagn til menningarmiðstöðva, skilgreind áhersluatriði og fleira.
Bæjarráð mælist því til þess að þessi samningur verði tekinn til endurskoðunar í kjölfar umræðu á komandi aðalfundi SSA í haust.

Lögð fram drög að samstarfssamningi Fljótsdalshéraðs og björgunarsveitarinnar Jökuls.

Bæjarráð samþykkir að fela bæjarstjóra að boða fulltrúa starfandi björgunarsveita í sveitarfélaginu á fund til að ræða og samræma stuðning sveitarfélagsins við þær.

Lagt fram erindi frá Hjörleifi Guttormssyni um hugmyndir hans að gera læknishúsið á Hjaltastað að menningar og fræðslusetri, þegar fram líða stundir.

Bæjarráð samþykkir að vísa málinu til atvinnu- og menningarnefndar til umsagnar.

Bæjarráð samþykkir að fela bæjarstjóra að ganga frá drögum að svarbréfi á grundvelli framlagðra minnispunkta og leggja fram á næsta fundi.

Lagt fram bréf frá Þórhalli Pálssyni, dags. 12. júní 2015 og tölvupóstur frá Ingólfi O. Georgssyni, varðandi fjarvarmaveituna.

Bæjarráð samþykkir að fresta endanlegri ákvörðun í málinu til hausts, þó ekki lengur en til loka september , meðan frekari gagna er aflað og mál sem tengjast rekstri veitunnar skýrast betur.