Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir nokkur fjármálatengd mál.

Bæjarráð samþykkir að heimila fjármálastjóra að leita eftir fjármögnun hjá Lánasjóði sveitarfélaga m.a. með vísan til fjárhagsáætlunar ársins.

Guðlaugur Sæbjörnsson fjármálastjóri kynnti drög að rammaáætlun fyrir fjárhagsáætlun ársins 2016 og fór yfir ýmsar forsendur tengdar áætluninni.

Bæjarráð samþykkir að fjármálastjóri sendi út til nefndanna þau drög að ramma sem hann lagði fram. Stefnt skal að því að tillögum frá nefndum verði skilað inn fyrir lok maí mánaðar þannig að bæjarstjórn geti samþykkt endanlegan ramma fárhagsáætlunar 2016 á fundi í júní.

Fundargerðin lögð fram til kynningar.

Lögð fram til kynningar samantekt frá Sambandi íslenskra sveitarfélaga varðandi helstu mál á vettvangi ESB og EFTA 2015, sem varðað geta sveitarfélögin.

Lagt fram til kynningar erindi frá Ráðríki ehf. dags. 24. mars, þar sem boðin er fram margvísleg ráðgjöf fyrir sveitarfélög, en forsvarmenn fyrirtækisins eru reynsluboltar af vettvangi sveitarstjórnamála.

Lagður fram tölvupóstur frá Böðvari Jónssyni framkvæmdastjóra sölu- og markaðssviðs Fóðurblöndunnar hf. vegna húsaleigu að Miðvangi 31.
Bæjarstjóri kynnti einnig fund sem hann átti með forsvarsmönnum fyrirtækisins.

Bæjarráð samþykkir að fela bæjarstjóra umboð til að vinna drög að tímabundnum leigusamningi við núverandi leigjendur og leggja hann síðan fyrir bæjarráð.
Bæjarráð felur jafnframt umhverfis- og framkvæmdanefnd að endurskoða skipulag umrædds svæðis, m.a. í samhengi við endurskoðun deiliskipulags miðbæjarins.
Bæjarstjóra einnig falið að ræða við umráðendur lóðarinnar um umgengi og frágang við afhendigu hennar til sveitarfélagsins.

Skil á skýrslu um úttekt á skólastarfi verða föstudaginn 24. apríl, en þar verða skýrsluhöfundar með kynningu á henni fyrir kjörna fulltrúa í bæjarstjórn, fræðslunefnd og stjórnendur grunn- og tónlistarskóla.
Kynningin fer fram í fundarsal bæjarstjórnar kl. 15:30.

Farið yfir síðasta viðtalstíma bæjarfulltrúa, en þangað kom því miður enginn til að ræða málin við þá bæjarfulltrúa sem til viðtals voru.