Bæjarráð Fljótsdalshéraðs

Nokkrir liðir ræddir, en án frekari bókana.

Skoðuð áætlun um vinnu við gerð fjárhagsáætlunar 2015 og þriggja ára áætlunar, en líkt og á síðasta ári liggja nú fyrir frumáætlanir frá starfsmönnum stofnunum og nefndum. Verkefni haustsins verður svo að leggja lokahönd á þær áætlanir.

Bæjarráð samþykkir framlagða verkáætlun.

Lagður fram tölvupóstur frá Ólafi Áka Ragnarssyni, dags. 11. ágúst 2014 með upplýsingum vegna aðalfundar SSA sem haldinn verður á Vopnafirði dagana 19. og 20. september nk. Þar er óskað eftir ábendingum/tillögum að efni/ályktunum til að leggja fyrir nefndir fundarins.

Bæjarráð samþykkir að óska eftir ábendingum frá nefndum sveitarfélagsins um málefni sem æskilegt væri að aðalfundur SSA taki afstöðu til.
Tillögur nefndanna verða svo teknar saman af bæjarráði 1. september nk. og þeim komið á framfæri við stjórn SSA.

Lagður fram tölvupóstur frá Ólafi Áka Ragnarssyni, dags. 11.ágúst 2014 varðandi tilnefningar til árlegra veitingar menningarverðlauna SSA.

Bæjarráð felur atvinnu- og menningarmálanefnd að senda tilnefningar fyrir hönd sveitarfélagsins.

Farið yfir þá kosti sem nefndir hafa verið sem mögulegt geymsluhúsnæði fyrir gripi minjasafnsins.

Bæjarráð felur bæjarstjóra að vinna að því að minjasafnið fái geymsluhúsnæði fyrir muni sína sem leyst gæti vanda safnsins í þeim efnum.

Engar nýjar upplýsingar liggja fyrir um stöðu málsins.
Bæjarráð samþykkir að fela bæjarstjóra að koma á fundi með fulltrúum þeirra opinberu stofnanna sem málið varðar og þeim aðilum heimafyrir sem hafa sýnt verkefninu áhuga.

Bæjarstjóri fór yfir stjórnskipulag sveitarfélagsins og hugmyndir að breytingum á því í upphafi nýs kjörtímabils.
Að lokinni yfirferð og umræðu um málið var bæjarstjóra falið að vinna áfram með tillögur sínar og leggja þær síðan fyrir bæjarráð.

Lögð fram drög að viðauka við samtarfssamning um starsemi Hallormsstaðaskóla frá 1. jan. 2010.

Eftirfarandi tillaga lögð fram:
Bæjarráð samþykkir samninginn með áorðnum breytingum fh. Fljótsdalshéraðs.

Samþykkt samhljóða með handauppréttingu.

Lagður fram tölvupóstur frá Ástu Ragnheiði Jóhannesdóttur, dags. 11. ágúst 2014 með hvatningu til bæjar- og sveitarfélaga, stofnana, skóla og safna til að minnast 100 ára afmælis kosningaréttar kvenna á árinu 2015.

Bæjarráð frestar afgreiðslu málsins til næsta fundar.

Lagður fram tölvupóstur frá Hildi Vésteinsdóttur, dags. 12.ágúst 2014 varðandi tilnefningu fulltrúa Fljótsdalshéraðs í samstarfsnefnd um verndar- og stjórnunaráætlun Kringilsárrana.

Bæjarráð samþykkir að tilnefna Ruth Magnúsdóttur sem fulltrúa sinn í samstarfsnefnd um gerð verndar- og stjórnunaráætlunar fyrir friðlandið Kringilsárrana.

Lagður fram tölvupóstur frá Tryggva Þór Haraldssyni, dags. 13.ágúst 2014 varðandi væntanlega fundarferð stjórnar Rarik um Austurland dagana 28-29. ágúst n.k.

Þar óskar stjórn RARIK eftir því að hitta fulltrúa sveitarfélagsins á fundi sem haldinn verður á Egilsstöðum 28. ágúst nk.

Bæjarráð samþykkir að senda fulltrúa sveitarfélagsins á fundin og mun undirbúa málið betur á næsta fundi sínum.

Gunnar fór yfir kynnisferð sem Landbótasjóður bauð til í síðustu viku þar sem farið var yfir starfssvæði sjóðsins. Ferðin var bæði upplýsandi og gagnleg, en þar var einnig afhentur formlega starfstyrkur Alcoa foundation til áframhaldandi landgræðslu á svæðinu.

Bæjarráð fagnar þeim árangri sem sýnilegur er af starfi sjóðsins og jafnframt þeim styrk sem Alcoa veitir verkefninu til næstu þriggja ára.