Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir ýmislegt fjármálatengt efni.

Björn ræddi fund með bæjarráði Fjarðabyggðar og er 21. sept. líklegur fundardagur.

Einnig sagði hann frá fundi stjórnar Brunavarna sem haldinn var á Djúpavogi sl. föstudag, auk fleiri mála.

Fundargerðin lögð fram til kynningar.

Fundargerð Ársala frá 24. ágúst 2015 lögð fram til kynningar.

Fundargerð 13. fundar stjórnar SSA, frá 23. ágúst 2015 lögð fram til kynningar.

Fundargerð Samráðsnefndar Landsvirkjunar og Fljótsdalshéraðs frá 27. ágúst 2015 lögð fram til kynningar.
Bæjarráð leggur áherslu á að boðað verði til sameiginlegs fundar, eins og til hefur staðið, með fulltrúum Landsvirkjunar og Orkusölunnar nú í október.

Lagðar fram verklagsreglur um afnot af húsnæði í eigu sveitarfélagsins, en þær voru unnar nú fyrr á árinu, í tengslum við endurskoðun á fyrri relum og gjaldskrám.

Bæjarráð staðfestir verklagsreglurnar fyrir sitt leyti og vísar þeim til bæjarstjórnar til afgreiðslu.

Lagður fram tölvupóstur, dagsettur 1. sept. 2015, frá Sambandi íslenskra sveitarfélaga þar sem boðað er til fjármálaráðstefnu sveitarfélaga 24. - 25. sept. n.k.

Bæjarráð samþykkir að fulltrúum í bæjarráði, auk bæjarstjóra og fjármálastjóra, verði gefinn kostur á að sækja fjármálaráðstefnuna.

Lögð fram skýrsla vinnuhóps um almenningssamgöngur og skólaakstur.

Bæjarráð samþykkir að vísa skýrslunni til umfjöllunar hjá þeim nefndum sveitarfélagsins sem tengjast málinu.

Undir þessum lið voru tekin fyrir tvö erindi frá síðasta fundi bæjarráðs, varaðandi almenningssamgöngur í Hallormsstað sem tengjast nemendum við Handverks- og hússtjórnarskólann og Menntaskólann á Egilsstöðum. Fyrir fundinum lá minnisblað frá fræðslufulltrúa og umhverfisfulltrúa um málið.

Sigrún Blöndal vék af fundi við umræðu og afgreiðslu þessara erinda.

Bæjarráð felur bæjarstjóra og fjármálastjóra að kanna málið nánar og verður það svo tekið fyrir aftur á næsta fundi bæjarráðs.


.

Lagt fram erindi frá Degi Skírni Óðinssyni varðandi hans hugleiðingar um móttöku flótafólks. Einnig lagður fram tölvupóstur, dagsettur 1. september 2015 frá Lindu Rós Alfreðsdóttur, sérfræðingi hjá Velferðarráðuneytinu, varðandi móttöku á flóttafólki.

Bæjarráð er jákvætt fyrir því að koma að þessum málum og samþykkir að fela félagsmálanefnd að skoða hvernig hægt væri að standa að því að hálfu sveitarfélasins, m.a. með því að vera í sambandi við Velferðarráðuneytið og kanna með hvaða hætti Fljótsdalshérað gæti helst stutt við málið.

Farið yfir undirbúning fyrir aðalfund SSA sem haldinn verður á Djúpavogi 2. og 3. október nk.

Fram kom að verkefnastjóri sveitarstjórnamála mun koma á fund bæjarstjórnar 16. september nk. til að fara yfir drög að alyktunum.