Fjölskylduráð Múlaþings

Fyrir liggur sjálfsmatsskýrsla Djúpavogsskóla. Þorbjörg Sandholt, skólastjóri Djúpavogsskóla fylgdi skýrslunni eftir. Skýrsluna á eftir að kynna fyrir skólasamfélaginu á Djúpavogi.

Skýrslan lögð fram til kynningar.

Fyrir liggja drög að uppfærðri gjaldskrá fyrir notkun á húsnæði grunnskóla Múlaþings. Breytingin snýr að því að nú er gisting skilgreind í gjaldskránni. Ein breyting verður gerð á drögunum bætt verður við orðinu umfram í setninguna og verður hún eftirfarandi: Verð 500 kr. án vsk. nóttin á einstakling umfram 40.

Gjaldskrá er samþykkt samhljóða með handauppréttingu.

Fyrir liggja gjaldskrár fræðslumála og gjaldskrár íþróttamannvirkja fyrir árið 2024.

Fjölskylduráð samþykkir fyrirliggjandi gjaldskrár fræðslumála og gjaldskrár íþróttamannvirkja. Hækkunin er að jafnaði um 3,5%.

Jafnframt er fræðslustjóra falið að ráðast í heildstæða endurskoðun á gjaldskrám tengda frístund og fæðisgjaldi nemenda í leik- og grunnskólum.

Samþykkt samhljóða með handauppréttingu.

Fyrir liggur uppfært minnisblað um sumarleyfi leikskóla 2024-2027.

Fjölskylduráð samþykkir að sumarlokun leikskóla verði 24. júní - 26. júlí 2024 í leikskólum Múlaþings nema í Bjarkatúni, Djúpavogi þar verður lokað 8. júlí -12. ágúst 2024.

Fjölskylduráð leggur til að myndaður verði starfshópur með það að markmiði að skoða betri vinnutíma starfsfólks, að móta tillögur að framtíðarfyrirkomulagi sumarleyfa í leikskólum og skoða hvernig megi auka sveigjanleika fyrir fjölskyldur. Fjölskylduráð felur fræðslustjóra í samráði við formann fjölskylduráðs að gera drög að erindisbréfi fyrir starfshópinn.

Samþykkt samhljóða með handauppréttingu.

Undir þessum lið mætti Anna Birna Einarsdóttir, skólastjóri Fellaskóla.

Ráðið felur fræðslustjóra að taka saman áætlun um fjölgun leikskólabarna til næstu 10 ára svo hægt sé að áætla þörf á leikskólaplássi á Héraði.

Málið áfram í vinnslu.

Samþykkt samhljóða með handauppréttingu.

Lagt fram til kynningar